भारतातील सर्वात स्वस्त EV वर जबरदस्त सूट, ऑफर फक्त ‘या’ तारखेपर्यंत

MG Comet EV | JSW MG Motor India ने एप्रिल 2025 साठी त्यांच्या कार्सवर खास सूट जाहीर केली आहे. यामध्ये सर्वात मोठा फोकस आहे MG Comet EV वर, जी सध्या भारतातील सर्वात स्वस्त इलेक्ट्रिक हॅचबॅक कार मानली जाते. कंपनीने 2024 आणि 2025 मॉडेल वर्षांनुसार वेगवेगळ्या डिस्काउंट स्कीम्स दिल्या असून ग्राहकांना याचा लाभ घेण्याची उत्तम संधी आहे.

MG Comet EV खरेदी करताना कॅश डिस्काउंट, लॉयल्टी बोनस आणि कॉर्पोरेट डिस्काउंट मिळून एकूण 45,000 रुपयांपर्यंत फायदा होऊ शकतो. ही कार 230 किलोमीटर रेंज देते आणि शहरी वापरासाठी अतिशय सोयीस्कर आहे. तिची एक्स-शोरूम किंमत 7 लाखांपासून सुरू होऊन 9.81 लाखांपर्यंत जाते. या ऑफरमुळे ही कार अधिक किफायतशीर ठरते.

2024 मॉडेलवरील सूट-

Exclusive व्हेरिएंटसाठी 20,000 रुपये कॅश, 20,000 रुपये लॉयल्टी बोनस आणि 5,000 रुपये कॉर्पोरेट डिस्काउंट मिळून एकूण 45,000 रुपये सूट आहे.

Excite FC आणि Exclusive FC साठी 15,000 रुपये कॅश, 20,000 लॉयल्टी आणि 5,000 कॉर्पोरेट मिळून 40,000 रुपयांची सूट आहे. Excite आणि 100Yr Edition साठी ही सूट 35,000 रुपयांपर्यंत आहे.

2025 मॉडेलवरील सूट

Exclusive, Excite FC आणि Exclusive FC साठी एकूण 40,000 रुपयांपर्यंत फायदा मिळतो. Excite व्हेरिएंटसाठी सूट 35,000 रुपये आहे.

या कारचे डिझाइन Wuling Air EV वर आधारित आहे. लांबी 2,974mm, रुंदी 1,505mm आणि उंची 1,640mm आहे. व्हीलबेस 2,010mm असून टर्निंग रेडियस फक्त 4.2 मीटर आहे, जे शहरातील रहदारीत किंवा कमी जागेतील पार्किंगसाठी आदर्श आहे.

फीचर्सच्या बाबतीत, Comet EV मध्ये 10.25 इंचाची स्क्रीन, टचस्क्रीन इन्फोटेनमेंट सिस्टम आणि डिजिटल क्लस्टर आहे. यामध्ये म्युझिक, टर्न-बाय-टर्न नेव्हिगेशन, हवामान आणि ट्रॅफिक अपडेट्ससारख्या सुविधा मिळतात. Comet EV चार रंगांत उपलब्ध आहे – Bay (निळा), Serenity (हिरवा), Sundowner (नारिंगी), आणि Flex (लाल).

ही कार GSEV प्लॅटफॉर्मवर आधारित असून शहरातील प्रवासासाठी खास डिझाइन केली गेली आहे. कारच्या कॉम्पॅक्ट डिझाइनमुळे ती थोडीशी नाजूक भासू शकते, पण टर्निंग, कंट्रोल आणि फीचर्सच्या बाबतीत ती आपल्या सेगमेंटमध्ये चांगली स्पर्धा देऊ शकते. यात फ्रंटला डिस्क ब्रेक आणि रिअरला ड्रम ब्रेक मिळतो. टायरचा आकार 145/70 R12 आहे.

जर तुम्ही स्वस्त, स्टायलिश आणि शहरी गरजांसाठी योग्य EV शोधत असाल, तर एप्रिलमध्ये MG Comet EV खरेदी करणे ही एक योग्य वेळ ठरू शकते.