Upcoming Cars : जर तुम्ही CNG कार घेण्याचा विचार करत असाल तर थोडं थांबा, कारण ऑटो मार्केटमधील सर्वात प्रसिद्ध कपंनी लवकर CNG प्रकारात तीन मॉडेल लॉन्च करणार आहे. सध्या पेट्रोल आणि डिझेलच्या वाढत्या किमतीमुळे सीएनजी वाहनांची मागणी झपाट्याने वाढत आहे. हे पाहता अनेक कार कंपन्यांनी त्यांच्या कारचे मॉडेल सीएनजी व्हर्जनमध्ये लॉन्च केले आहेत.
आता देशातील सर्वात मोठी कार निर्माता कंपनी लवकरच आपल्या तीन कार सीएनजी आवृत्तीमध्ये लॉन्च करण्याच्या तयारीत आहे, त्यापैकी दोन कार एसयूव्ही असतील. मारुती सुझुकी CNG मध्ये Brezza आणि Front SUV सोबत नवीन Swift लाँच करण्याचा विचार करत आहे.
मारुती ब्रेझा सीएनजी आणि फ्रॉन्क्स सीएनजीचा टीझर व्हिडिओ सोशल मीडियावर शेअर करण्यात आला आहे. या गाड्या छोट्या क्लिपमध्ये पाहता येतील. त्यामध्ये एक CNG स्टिकर देखील दिसत आहे, जो पुष्टी करतो की दोन्ही कार फॅक्टरी फिट सीएनजी किटसह येतील आणि लवकरच लॉन्च केल्या जाऊ शकतात.
Brezza आणि Frontex चे CNG मॉडेल स्वयंचलित ट्रांसमिशनसह येऊ शकतात. याशिवाय या कार ट्विन-सिलेंडर सीएनजी तंत्रज्ञानासह देखील येऊ शकतात. त्यामुळे या गाड्यांची बूट स्पेसही चांगली राहील. सध्या हे तंत्रज्ञान भारतात फक्त टाटा मोटर्स वापरत आहे.
सीएनजी कारच्या बाबतीत अनेकदा त्रासदायक ठरणारी गोष्ट म्हणजे बूट स्पेसची कमतरता. सीएनजी प्रकारातील वाहनांमध्ये टाकीमुळे बुट स्पेस शिल्लक राहत नाही. या समस्येवर मात करण्यासाठी टाटा मोटर्सने ड्युअल टँक सेटअप वापरण्यास सुरुवात केली. या सेटअपला iCNG तंत्रज्ञान म्हणतात. हे टाटा अल्ट्रोझ, टिगोर, टियागो आणि पंचच्या सीएनजी मॉडेल्समध्ये पाहिले जाऊ शकते. ड्युअल सीएनजी तंत्रज्ञानामध्ये एका मोठ्या इंधन टाकीऐवजी दोन लहान टाक्या दिल्या जातात. यामुळे बूट स्पेसची बरीच बचत होते.
आता मारुती सुझुकीही याच तंत्रज्ञानाचा अवलंब करणार असल्याचे बोलले जात आहे. मारुती स्विफ्ट सीएनजी, फ्रंटेक्स सीएनजी आणि ब्रेझा सीएनजीमध्ये ट्विन सिलेंडर तंत्रज्ञान वापरले जाऊ शकते, अशीही माहिती आहे.
