भारतात इलेक्ट्रिक वाहनांची मागणी झपाट्याने वाढत आहे. मात्र, बाजारातील अनेक ईव्ही गाड्या महाग असल्यामुळे सर्वसामान्य ग्राहकांसाठी त्यांची खरेदी कठीण होते. याच पार्श्वभूमीवर, एमजी मोटरने आपल्या सर्वात स्वस्त इलेक्ट्रिक कार MG Comet EV च्या Blackstorm आवृत्तीची घोषणा केली आहे. या नवीन मॉडेलमध्ये काही महत्त्वाचे अपडेट्स देण्यात आले आहेत, ज्यामुळे ही कार अधिक आकर्षक आणि कार्यक्षम ठरते.
काय खास आहे MG Comet EV Blackstorm मध्ये?
नवीन ब्लॅकस्ट्रॉम आवृत्तीत स्टारी ब्लॅक आणि लाल रंगाचा अनोखा संगम करण्यात आला आहे, ज्यामुळे कारला आकर्षक आणि स्पोर्टी लूक मिळतो. यासोबत, कारच्या इंटीरियरमध्ये देखील सुधारणा करण्यात आली आहे. यात बेल्जियन आणि विल कार सह प्रीमियम अॅक्सेसरीज पॅक दिला गेला आहे. ऑडिओ अनुभव सुधारण्यासाठी चार स्पीकर सिस्टम उपलब्ध आहे, ज्यामुळे संगीतप्रेमींसाठी ही कार अधिक आनंददायक ठरेल.
दमदार बॅटरी आणि परफॉर्मन्स
MG Comet EV Blackstorm मध्ये 13.3kWh क्षमतेचा शक्तिशाली बॅटरी पॅक देण्यात आला आहे. ही बॅटरी एका पूर्ण चार्जवर 230 किमी पर्यंतची रेंज देते. यात असलेली इलेक्ट्रिक मोटर 42 हॉर्सपॉवर आणि 110Nm टॉर्क निर्माण करते, ज्यामुळे ही कार शहरातील दैनंदिन वापरासाठी योग्य ठरते.
किंमत आणि बुकिंग प्रक्रिया
ही नवीन आवृत्ती *₹7.80 लाखांच्या (एक्स-शोरूम) सुरुवातीच्या किमतीत उपलब्ध आहे. विशेष म्हणजे, ही कार चालवण्यासाठी प्रति किलोमीटर ₹2.5 इतका खर्च येतो, जो अत्यंत किफायतशीर मानला जातो. जर तुम्हाला ही कार खरेदी करायची असेल, तर ₹11,000 भरून तुम्ही कंपनीच्या अधिकृत वेबसाइट किंवा जवळच्या डीलरशिपवर जाऊन बुकिंग करू शकता.
MG Comet EV Blackstorm घ्यावी का ?
जर तुम्ही स्वस्त आणि इको-फ्रेंडली इलेक्ट्रिक कारच्या शोधात असाल, तर MG Comet EV Blackstorm एक उत्तम पर्याय ठरू शकतो. स्टायलिश डिझाइन, दमदार बॅटरी आणि कमी खर्चाच्या ऑपरेटिंग कोस्टमुळे ही कार शहरातील प्रवासासाठी योग्य ठरते.
