Mahindra Car : महिंद्रा लवकरच भारतीय बाजारात (Indian market) त्यांचे इलेक्ट्रिक कारचे व्हर्जन (Electric car version) लॉन्च (launch) करणार आहे. हे एक मॉडेल महिंद्रा E8 होते. जे XUV700 चे इलेक्ट्रिक व्हर्जन आहे. महिंद्राने या नवीन आगामी इलेक्ट्रिक एसयूव्हीची चाचणी सुरू केली आहे.
कधी सुरू होणार?
नवीन e8 ही बॉर्न-इलेक्ट्रिक (Born-electric) प्लॅटफॉर्मवर ब्रँडमधून उत्पादनात जाणारी पहिली इलेक्ट्रिक एसयूव्ही असेल. डिसेंबर 2024 मध्ये ते भारतीय बाजारात येईल. नवीन कार INGLO प्लॅटफॉर्मवर आधारित असेल, जो महिंद्रा बॉर्न इलेक्ट्रिक मॉड्यूलर प्लॅटफॉर्म आहे.
XUV700 पेक्षा किती वेगळे?
जरी ती XUV700 वर आधारित असली तरी कारमध्ये अनेक बदल दिसतील जे ते XUV 700 पेक्षा वेगळे करतात. कारचा अंतिम लुक महिंद्राने दाखवलेल्या मॉडेलपेक्षा थोडा वेगळा दिसू शकतो.
कार अजूनही XUV700 पेक्षा खूप वेगळी दिसते. बंपर माउंटेड हेडलॅम्प्स आणि स्कल्प्टेड बोनेटसह कारचा पुढचा भाग खूपच आक्रमक दिसतो. तथापि, कारचा मागील भाग XUV700 सारखा दिसतो.
XUV E8 च्या आकाराबद्दल बोलायचे तर ते 4,740mm लांब, 1,900mm रुंद आणि 1,760mm उंच आहे. कारचा व्हीलबेस 2,762 मिमी लांब आहे. XUV700 च्या तुलनेत, ते 45 मिमी लांब, 10 मिमी रुंद आणि 5 मिमी लांब आहे.
व्हीलबेस देखील XUV700 पेक्षा 7mm लांब आहे. भारतातील इलेक्ट्रिक कार मार्केटमध्ये सध्या टाटा मोटर्सचे वर्चस्व आहे. टाटाची Nexon EV ही बर्याच काळापासून बाजारात नंबरची इलेक्ट्रिक कार आहे. येत्या काळात या दोन देशी कार निर्मात्यांमध्ये इलेक्ट्रिक कारच्या सेगमेंटमध्ये रंजक लढत होणार आहे.
