भारतातील सर्वात मोठी कार निर्माती कंपनी मारुती सुझुकी आपल्या ग्राहकांसाठी तीन नवीन हायब्रिड कार बाजारात सादर करण्याच्या तयारीत आहे. या कार्स उत्तम इंधन कार्यक्षमता आणि पर्यावरणपूरक तंत्रज्ञानासह येणार असून, त्यांचे मायलेज प्रति लिटर 35 किलोमीटरच्या पुढे जाऊ शकते. ज्यांना पूर्णपणे इलेक्ट्रिक कार घेणे परवडत नाही किंवा चार्जिंग सुविधेची समस्या आहे, त्यांच्यासाठी हायब्रिड तंत्रज्ञान एक चांगला पर्याय ठरू शकतो. मारुती सुझुकीची ही नवीन मॉडेल्स चाचणी दरम्यान दिसली असून, लवकरच भारतीय बाजारपेठेत दाखल होणार आहेत.
1. मारुती बलेनो हायब्रिड
मारुती सुझुकी आपल्या लोकप्रिय हॅचबॅक बलेनोचे हायब्रिड व्हर्जन लवकरच सादर करणार आहे. या कारमध्ये 1.2L Z12E पेट्रोल इंजिनसह 1.5-2 kWh क्षमतेचा बॅटरी पॅक असेल. हे तंत्रज्ञान इंधनाच्या वापरास कमी करून उच्च मायलेज देण्यास मदत करेल. Baleno Hybrid एक लिटर पेट्रोलमध्ये अंदाजे 35 किलोमीटर पर्यंत मायलेज देऊ शकते. ही कार 2025 च्या अखेरीस बाजारात येण्याची शक्यता आहे, आणि तिची संभाव्य किंमत 10 लाख रुपयांच्या आत असू शकते.
2. मारुती न्यू कॉम्पॅक्ट एमपीव्ही (Spacia)
मारुती सुझुकी नवीन कॉम्पॅक्ट एमपीव्ही Spacia सादर करण्याच्या तयारीत आहे. हे मॉडेल आधीच जपानमध्ये विकले जाते आणि आता भारतीय बाजारपेठेसाठी त्याचे हायब्रिड व्हर्जन आणले जाणार आहे. या कारला फक्त हायब्रिड इंजिन देण्यात येणार आहे, आणि ती Ertiga पेक्षा किंचित लहान आणि किफायतशीर असण्याची शक्यता आहे. सध्या या वाहनाच्या इंजिन स्पेसिफिकेशन्स आणि किंमतीबद्दल अधिकृत माहिती उपलब्ध नाही, मात्र 2025 च्या उत्तरार्धात ही कार लॉन्च होण्याची शक्यता आहे.
3. मारुती सुझुकी फ्रॉन्क्स हायब्रिड
मारुती सुझुकीच्या कॉम्पॅक्ट एसयूव्ही Fronx च्या हायब्रिड व्हर्जनसाठी ग्राहकांमध्ये मोठी उत्सुकता आहे. सध्या Fronx भारतीय बाजारात सर्वाधिक विक्री होणाऱ्या कारपैकी एक आहे. हायब्रिड तंत्रज्ञानामुळे ही कार अधिक मायलेजसह अधिक इंधन-कार्यक्षम ठरणार आहे. उपलब्ध अहवालांनुसार, Fronx Hybrid एक लिटरमध्ये 35 किलोमीटर पर्यंत मायलेज देऊ शकते. यात 1.5-2 kWh बॅटरी पॅक असेल आणि ती मे-जून 2025 मध्ये लॉन्च होण्याची शक्यता आहे.
हायब्रिड तंत्रज्ञानाचे फायदे
उच्च मायलेज – पारंपरिक पेट्रोल इंजिनच्या तुलनेत हायब्रिड तंत्रज्ञानामुळे इंधन कार्यक्षमता वाढते.
कमी प्रदूषण – हायब्रिड वाहनांमध्ये कमी उत्सर्जन होते, त्यामुळे पर्यावरणपूरक पर्याय ठरतो.
कमी इंधन खर्च – कमी इंधन वापरामुळे खर्चात बचत होऊ शकते.
इलेक्ट्रिक कारच्या तुलनेत स्वस्त – इलेक्ट्रिक कारपेक्षा हायब्रिड वाहनांची किंमत तुलनेने कमी असते आणि त्यांची चार्जिंग सुविधा सहज उपलब्ध असते.
मारुती सुझुकीची ह्या तीन नव्या हायब्रिड कार्स भारतीय वाहन बाजारपेठेत नवीन क्रांती घडवू शकतात. इंधनाच्या वाढत्या किंमती आणि प्रदूषण नियंत्रणाच्या गरजेमुळे हायब्रिड तंत्रज्ञान हा उत्तम पर्याय ठरत आहे. मारुती सुझुकीच्या Baleno Hybrid, Fronx Hybrid आणि Spacia MPV या मॉडेल्स ग्राहकांसाठी इंधन-कार्यक्षम आणि पर्यावरणपूरक पर्याय म्हणून समोर येतील. लवकरच या कार्सबद्दल अधिक माहिती जाहीर होण्याची शक्यता आहे.
