Maruti Tour H1 : मारुती सुझुकीने आता फ्लीट सेगमेंटमधील आपली एक शानदार कार लाँच केली आहे. जर या कारच्या किमतीचा विचार केला तर ती तुम्ही 4.80 रुपयांच्या किमतीत सहज खरेदी करू शकता. यात 34KM मायलेज देण्यात येत आहे.
दरम्यान कंपनी व्यावसायिक वाहन विभागातही दमदार कार लाँच करत असते. ज्याला मार्केटमध्ये खूप मागणी आहे. कंपनीने आता आपली नवीन Maruti Tour H1 कार लाँच केली आहे. जाणून घेऊयात या कारचे फीचर्स आणि इंजिन.
कंपनीकडून मारुती टूर H1 कारला पेट्रोल इंजिनसह फिट सीएनजी प्रकारात सादर करण्यात आले आहे. किमतीचा विचार केला तर CNG प्रकाराची किंमत 5.70 लाख रुपये निश्चित केली आहे. या एंट्री-लेव्हल हॅचबॅकमध्ये, कंपनीकडून मेटॅलिक ग्रॅनाइट ग्रे,मेटॅलिक सिल्की सिल्व्हर आणि आर्क्टिक व्हाइटमध्ये पेंट न केलेले फ्रंट आणि रियर बंपर देण्यात आले आहेत. खरं तर, ही Alto K10 ची टॅक्सी आवृत्ती असून जी खास व्यावसायिक वापरासाठी विकसित करण्यात आली आहे.
असे असणार इंजिन आणि मायलेज
कंपनीची नवीन कार पेट्रोल आणि CNG दोन्ही इंजिन पर्यायांमध्ये उपलब्ध असणार आहे. कंपनीकडून या कारमध्ये पेट्रोल के-सीरीज 1.0-लिटर ड्युअल VVT इंजिन वापरण्यात आले आहे, जे 65 bhp पॉवर आणि 89 Nm टॉर्क जनरेट करेल, तर CNG व्हेरिएंट 55.9 bhp पॉवर आणि 82.1 Nm टॉर्क जनरेट करेल. या कारचे पेट्रोल व्हेरियंट 24.60 किमी/ली पर्यंत आणि S-CNG प्रकार 34.46 किमी/किलो पर्यंत मायलेज देऊ शकते असा दावा कंपनीने केला आहे.
मिळणार शानदार फीचर्स
या कारमध्ये काही मानक सेफ्टी फीचर्सचा समावेश करण्यात आला आहे, जसे की ड्युअल एअरबॅग्ज, स्पीड लिमिटिंग सिस्टम, अँटी-लॉक ब्रेकिंग सिस्टम (ABS) विथ इलेक्ट्रॉनिक ब्रेकफोर्स डिस्ट्रिब्युशन (EBD) आणि रिव्हर्स पार्किंग सेन्सर्स इ. कंपनीच्या नवीन कारला प्री-टेन्शनर आणि फोर्स लिमिटरसह फ्रंट सीट बेल्ट, पुढच्या आणि मागील दोन्ही प्रवाशांसाठी सीट बेल्ट रिमाइंडर आणि इंजिन इमोबिलायझर दिला जात आहे.
इतर कार
मारुती सुझुकीकडे अगोदरच व्यावसायिक सेगमेंटमध्ये इतर अनेक कार उपलब्ध असून यात WagonR वर आधारित Tour H3, मारुती Ertiga वर आधारित टूर M तसेच मारुती डिझायरवर आधारित टूर S आणि मारुती ओम्नी व्हॅनवर आधारित टूर V यांचा समावेश आहे. किमतीचा विचार केला तर त्यांची किंमत खाजगी मॉडेल्सपेक्षा थोडीशी जास्त आहे, कारण ते विशेषतः व्यावसायिक वापरासाठी डिझाइन करण्यात आले आहेत. या कारचा वापर मुख्यतः कॅब सेवा, वाहतूक इत्यादींमध्ये दिसून येतो.
