आजच्या काळात उत्तम मायलेज देणारी बाईक घेणे अत्यंत गरजेचे झाले आहे, कारण पेट्रोलचे दर सतत वाढत आहेत. अशा परिस्थितीत, बजेटमध्ये राहून चांगली मायलेज देणारी बाईक शोधणे हे अनेकांसाठी महत्त्वाचे ठरत आहे. Hero MotoCorp, TVS Motors आणि Bajaj Auto सारख्या कंपन्यांनी कमी किमतीत उत्तम मायलेज देणाऱ्या बाइक्स बाजारात आणल्या आहेत. चला तर मग, जाणून घेऊया या बाइक्सबद्दल!
1. बजाज प्लॅटिना
बजाज ऑटोची बजाज प्लॅटिना ही कमी बजेटमध्ये सर्वोत्तम मायलेज देणारी बाईक आहे. ही 102cc BS6 इंजिन सह येते आणि प्रत्येक लिटर पेट्रोलमध्ये सुमारे 72Km मायलेज देते. जर तुम्हाला स्वस्त आणि टिकाऊ बाईक हवी असेल, तर ₹66,851 (एक्स-शोरूम किंमत) मध्ये ही उत्तम पर्याय ठरू शकते.
2. होंडा शाइन 100
Honda Shine 100 ही 98.98cc एअर-कूल्ड, सिंगल सिलेंडर इंजिन सह येते आणि 4-स्पीड गिअरबॉक्स देण्यात आला आहे. मायलेजच्या बाबतीत, ही बाईक 65Km प्रति लिटर पेट्रोलपर्यंत धावते. जर तुम्हाला स्टायलिश आणि विश्वासार्ह बाईक हवी असेल, तर ₹64,900 (एक्स-शोरूम किंमत) मध्ये तुम्ही ही खरेदी करू शकता.
3. TVS स्पोर्ट
TVS Sport ही कमी बजेटमध्ये दमदार इंजिन आणि उच्च मायलेजसह येते. यात 109.7cc 4-स्ट्रोक, फ्यूल-इंजेक्टेड एअर-कूल्ड इंजिन देण्यात आले आहे, जे 6.03Kw पॉवर जनरेट करते. मायलेजच्या बाबतीत, कंपनीचा दावा आहे की ही बाईक 1 लिटर पेट्रोलमध्ये सुमारे 70Km धावते. तिची किंमत ₹64,812 पासून सुरू होते.
4. हिरो स्प्लेंडर प्लस
हीरो मोटोकॉर्पची Hero Splendor Plus ही 97.2cc इंजिन सह येते आणि मायलेजसाठी प्रसिद्ध आहे. यामध्ये डिजिटल इन्स्ट्रुमेंट क्लस्टर, ओडोमीटर, साइड स्टँड इंडिकेटर आणि ब्लूटूथ कनेक्टिव्हिटी यासारखी आधुनिक फीचर्स आहेत. 60Km प्रति लिटर पेट्रोलचे रिअल टाइम मायलेज असलेल्या या बाईकची किंमत ₹74,931 पासून सुरू होते.
