Toyota Innova Hycross CNG : भारतीय ऑटोमोबाईल उद्योग वेगाने प्रगती करत असताना टोयोटा इनोव्हा हायक्रॉस हायब्रिड + CNG व्हर्जन हे बाजारात नव्या युगाची सुरुवात करणार आहे. टोयोटा इनोव्हा हायक्रॉस ही एक प्रीमियम 7-सीटर SUV आहे, जी उत्कृष्ट आरामदायीपणा, जबरदस्त परफॉर्मन्स आणि इंधन कार्यक्षमतेसाठी प्रसिद्ध आहे. आता या गाडीमध्ये सीएनजी फिटमेंट करण्यात आल्याने, ती आतापर्यंतची सर्वात इंधन कार्यक्षम मोठी SUV ठरू शकते.
इनोव्हा हायक्रॉसमध्ये CNG किट !
गुजरातमधील वडोदरा येथील Saifuelvadodra ह्या CNG फिटमेंट शॉपमध्ये एका ग्राहकाने त्यांच्या टोयोटा इनोव्हा हायक्रॉसमध्ये CNG किट बसवले. ही जगातील पहिली इनोव्हा हायक्रॉस आहे जी CNG आणि हायब्रिड इंजिनच्या कॉम्बिनेशनसह चालू शकते. विशेष म्हणजे ही किट युरोपियन कंपनी युरो गॅस पोलंड कडून ऑर्डर करण्यात आली होती.
पिकअपवर कोणताही परिणाम नाही !
गाडीच्या पिकअपवर कोणताही परिणाम झाला नसल्याचे ग्राहकाने स्पष्ट केले आहे. इंधन कार्यक्षमतेबाबत अद्याप कोणतेही अधिकृत आकडे समोर आलेले नाहीत, परंतु ही SUV हायब्रीड इंजिन असून त्यावर मिळणाऱ्या मायलेजपेक्षा अधिक चांगली मायलेज CNG किट बसवल्यानंतर देऊ शकते,असा विश्वास कारचे मालक आणि Saifuelvadodra यांच्या टीमला आहे.
टोयोटा इनोव्हा हायक्रॉस फीचर्स
टोयोटा इनोव्हा हायक्रॉस ही भारतातील एक प्रीमियम MPV असून, सात प्रवाशांसाठी आरामदायी आहे. या कारमध्ये लेव्हल 2 ADAS (Advanced Driver Assistance System), अ‍ॅडॉप्टिव्ह क्रूझ कंट्रोल, आणि ब्लाइंड स्पॉट मॉनिटर यांसारखी अत्याधुनिक सुरक्षा वैशिष्ट्ये आहेत. याशिवाय, इनोव्हा हायक्रॉसच्या इंटिरियरमध्ये अनेक लक्झरी फीचर्स देण्यात आले आहेत, जसे की पॅनोरॅमिक सनरूफ, पॉवर्ड टेलगेट, १०.१-इंच इन्फोटेनमेंट डिस्प्ले, अॅम्बियंट लाइटिंग, ही SUV भारतातील ग्राहकांसाठी एक जबरदस्त पर्याय ठरणार आहे, कारण ती एका ठिकाणी मोठा प्रवास करणाऱ्यांसाठी उत्तम कंफर्ट आणि स्पेस प्रदान करते.
इंजिन आणि परफॉर्मन्स
टोयोटा इनोव्हा हायक्रॉस २.०-लिटर पेट्रोल इंजिनसह येते, ज्यामध्ये मजबूत हायब्रिड सिस्टम आहे. हे इंजिन १७३ बीएचपी पॉवर आणि २०९ एनएम टॉर्क निर्माण करण्यास सक्षम आहे.
दरम्यान CNG आणि हायब्रिड कॉम्बिनेशनमुळे, इंधन बचतीचा मोठा फायदा ग्राहकांना मिळू शकतो. ई-सीव्हीटी (e-CVT) ट्रान्समिशनसह, ड्रायव्हिंग अनुभव अत्यंत चांगला आहे. सध्या ही गाडी २२ किमी/लिटर पर्यंत इंधन कार्यक्षमतेसाठी ओळखली जाते, पण CNG फिटमेंट झाल्यावर हा आकडा आणखी सुधारण्याची शक्यता आहे.
सध्या बाजारात उपलब्ध टोयोटा इनोव्हा हायक्रॉसची किंमत २४.६३ लाख रुपये ते ३८.८६ लाख रुपये (ऑन-रोड, मुंबई) आहे. CNG फिटमेंट केल्यानंतर ही किंमत काही प्रमाणात वाढू शकते.
बूट स्पेस आणखी कमी
या किटमध्ये ECU (Electronic Control Unit), ECM (Engine Control Module), CNG बेअरिंग आणि रिड्यूसरचा समावेश आहे. या SUV मध्ये आधीच मोठ्या बूट स्पेसची कमतरता असल्याने, CNG किट बसवल्यानंतर बूट स्पेस आणखी कमी झाली आहे. Saifuelvadodra यांनी त्यांच्या सोशल मीडियावर या SUV च्या बदलांचा व्हिडिओ पोस्ट केला, ज्यामध्ये गाडी CNG वर चालत असताना डॅशबोर्डवरील कंट्रोल बटण आणि इंडिकेटर दाखवण्यात आला आहे.
भारतात हायब्रिड CNG SUV !
भारतात CNG वाहनांची मागणी मोठ्या प्रमाणात वाढत आहे. मारुती सुझुकी, टाटा मोटर्स आणि ह्युंदाईसारख्या कंपन्या त्यांच्या अनेक SUV आणि सेडान गाड्यांसाठी CNG पर्याय देत आहेत. टोयोटाने अधिकृतपणे CNG मॉडेल लाँच केल्यास, हे भारतीय बाजारपेठेत एक नवा ट्रेंड निर्माण करू शकते. यामुळे मोठ्या SUV गाड्यांमध्ये CNG तंत्रज्ञानाचा समावेश हा ग्राहकांसाठी आणि पर्यावरणासाठी मोठी संधी ठरू शकते. CNG मुळे इंधन खर्चात मोठी बचत होणार असून, प्रदूषण कमी करण्यासही मदत होईल. टोयोटाने अधिकृतपणे हायक्रॉससाठी CNG व्हेरिएंट सादर केल्यास, ते निश्चितच भारतात हायब्रिड CNG SUV चा नवा ट्रेंड सेट करू शकते.
