Upcoming Electric Car : भारतात इलेक्ट्रिक वाहनांची मागणी दिवसेंदिवस वाढत आहे. यामुळे ऑटो कंपन्या देखील आता इलेक्ट्रिक वाहनांच्या निर्मितीला अधिक प्राधान्य दाखवत असल्याचे चित्र आहे. भारतीय कार बाजाराचा विचार केला असता सध्या स्थितीला इलेक्ट्रिक सेगमेंट मध्ये टाटा कंपनीचा बोलबाला आहे.
टाटा कंपनीने आतापर्यंत सर्वाधिक इलेक्ट्रिक कार लॉन्च करण्याची किमया साधली आहे. यामुळे इलेक्ट्रिक वाहन विक्री करण्याच्या बाबतीतही कंपनीचा पहिला क्रमांक लागतो. आत्तापर्यंत टाटा कंपनीचा इलेक्ट्रिक सेगमेंट मध्ये कोणीच हात पकडलेला नाही.
मात्र आता इतरही अनेक कंपन्या भारतीय कार मार्केटमध्ये वेगवेगळे इलेक्ट्रिक मॉडेल लॉन्च करत आहे. अशातच एक महत्त्वाची बातमी समोर आली आहे. मिळालेल्या माहितीनुसार, ह्युंदाई कंपनी लवकरच भारतीय कार बाजारात दोन नवीन इलेक्ट्रिक कार लॉन्च करणार आहे.
यामुळे आता आपण कंपनी कोणत्या दोन नवीन इलेक्ट्रिक गाड्या इंडियन कार मार्केटमध्ये लॉन्च करणार यासंदर्भात सविस्तर माहिती जाणून घेण्याचा प्रयत्न करणार आहोत.
Hyundai Grand i10 Nios Electric : मीडिया रिपोर्टनुसार ह्युंदाई कंपनी आपल्या लोकप्रिय Grand i10 Nios चे Electric वर्जन लवकरच भारतीय कार बाजारात उतरवणार आहे. Hyundai Grand i10 Nios सेकंड जनरेशन ही गाडी 2019 मध्ये लॉन्च झाली आहे.
ही गाडी क्लासी बंपर, Hyundai ची सिग्नेचर ‘कॅस्केडिंग ग्रिल’, हॅचबॅक LED DRL, प्रोजेक्टर फॉग लॅम्प, 15-इंच अलॉय व्हील आणि शार्क-फिनसह सज्ज आहे.
ही कार 1.2-लिटर, 4-सिलेंडर पेट्रोल आणि 1.2-लिटर, 3-सिलेंडर डिझेल इंजिन पर्यायांमध्ये उपलब्ध आहे. पहिले इंजिन 83bhp ची कमाल पॉवर आणि 114Nm चा पीक टॉर्क जनरेट करण्यास सक्षम आहे.
तर दुसरे इंजिन 75bhp ची कमाल पॉवर आणि 190Nm चा पीक टॉर्क जनरेट करते. आता या गाडीचे इलेक्ट्रिक व्हर्जन बाजारात येणार आहे. यामुळे भारतीय ग्राहकांना इलेक्ट्रिक कारचा आणखी एक पर्याय मिळणार आहे.
Hyundai Venyu : कंपनी आपल्या आणखी एका लोकप्रिय गाडीचे इलेक्ट्रिक व्हर्जन बाजारात उतरवणार आहे. ही लोकप्रिय कार म्हणजे Venyu. मिळालेल्या माहितीनुसार 2025 मध्ये म्हणजेच पुढल्या वर्षी ह्युंदाई कंपनी वेन्यू या आपल्या लोकप्रिय गाडीचे इलेक्ट्रिक व्हर्जन लॉन्च करणार आहे.
पुढील वर्षाच्या अखेरीस म्हणजे डिसेंबर 2025 पर्यंत ही गाडी भारतीय कार बाजारात लॉन्च होऊ शकते. त्यामुळे जर तुम्हालाही भविष्यात इलेक्ट्रिक कार खरेदी करायची असेल तर या गाडीचा ऑप्शन देखील तुमच्यासाठी नजीकच्या काळात उपलब्ध होणार आहे.
