टोमॅटोचे भाव कोसळले ! नेपाळ कनेक्शनमुळे टोमॅटो उत्पादक हादरले…

Tomato Price : नेपाळमधून आवक करण्याचा केंद्र सरकारचा निर्णय आणि बाजारात वाढलेली स्थानिक आवक यामुळे टोमॅटोचे भाव गेल्या ४ दिवसांत ५० टक्के कोसळले आहेत.

कृषी उत्पन्न बाजार समितीच्या नाशिकच्या लासलगाव प. पू. भगरीबाबा भाजीपाला आवारात काही दिवसांपूर्वी टॉमेटोच्या २० किलोच्या क्रेटला सरासरी २३०० ते २५०० रुपये भाव मिळाला होता. शुक्रवारी हा भाव सरासरी ९०० ते ११०० रुपयांपावेतो घसरला. येत्या काळात दर आणखी कमी होण्याची भीतीमुळे टोमॅटो उत्पादक हादरले आहेत.

Tomato Price

काही दिवसांपूर्वी उत्तरेकडील राज्यात झालेल्या मुसळधार पावसामुळे टोमॅटोच्या मागणीत अचानक वाढ झाली. पिंपळगाव, नाशिक आणि लासलगाव बाजार समितीमध्ये टोमॅटोची आवक ५ ते ६ हजार क्रेट्सपर्यंत येत असल्याने आणि प्रतिक्रेट २३०० ते २५०० रुपये इतका बाजारभाव मिळत असल्याने टोमॅटो उत्पादक आनंदात होते.

लासलगाव बाजार समितीत या सप्ताहाच्या प्रारंभी २० किलोच्या क्रेटला जास्तीत जास्त २३०१, तर कमीत कमी ५०० रुपये व सरासरी १८०० रुपये भाव मिळाला. एकीकडे शेतकऱ्यांना समाधानकारक भाव मिळत असताना दुसरीकडे किरकोळ बाजारात टोमॅटोचे भाव वाढल्यामुळे केंद्र सरकारने हस्तक्षेप करत नेपाळहून टोमॅटो आयात करण्याचा निर्णय घेतला आहे.

त्यातच पंजाब, कर्नाटक राज्यांसह नाशिक जिल्ह्यातील पिंपळगाव, नाशिक आणि लासलगाव बाजार समितीमध्ये टोमॅटोची आवक वाढली आहे. या दुहेरी घडामोडींमुळे शुक्रवारी टोमॅटोचे भाव कमालीचे घसरले.

महाराष्ट्रातील सर्व बाजार समितीतील टोमॅटोचे दर –