DNA Information In Marathi : आज 13 नोव्हेंबर रोजी गुगलने एक खास डूडल बनवल आहे. हे Doodle आहे DNA विषयी. खरे तर सध्या गुगलने एक अभिनव उपक्रम सुरू केला आहे. या उपक्रमाच्या माध्यमातून शालेय शैक्षणिक वर्षात सर्वाधिक शोधल्या जाणाऱ्या विषयांवर अधिक माहिती देण्यासाठी गुगल डूडल तयार केले जात आहेत.
म्हणजे सध्या गुगलवर डीएनएबाबत मोठ्या प्रमाणात सर्च केले जात आहे. याच अनुषंगाने आज जगाला अधिक जाणून घेण्याची संधी देण्यासाठी गुगलने जीवनातील सर्वात आवश्यक रेणू डीएनएचा Doodle बनवलाय. यामुळे आज डीएनए गुगलवर खूपच ट्रेंड होतोय.
अनेक लोक याबाबत जाणून घेण्यासाठी उत्सुक आहेत. याबाबत लोकांकडून गुगलवर वेगवेगळे प्रश्न विचारले जात आहेत. दरम्यान आज आपण डीएनए बाबतच्या काही महत्त्वपूर्ण गोष्टींची माहिती जाणून घेण्याचा प्रयत्न करणार आहोत. खरे तर गुगलवर दररोज कोणता ना कोणता टॉपिक ट्रेंडिंगला असतो.
दरवर्षी फेब्रुवारीमध्ये डीएनए हा टॉपिक सुद्धा ट्रेंड करतो. कारण की विद्यार्थ्यांना फेब्रुवारीमध्ये डीएनए या विषयावर शिकवले जाते. त्यामुळे या महिन्यात google वर विद्यार्थी मोठ्या प्रमाणात डीएनए विषयी प्रश्न उपस्थित करतात. गुगलवर विद्यार्थी डीएनए बाबत वेगवेगळे प्रश्न विचारतात.
एसएससी युपीएससी बँकिंग एक्झाम तसेच इतर स्पर्धा परीक्षांची तयारी करणाऱ्या विद्यार्थ्यांकडूनही डीएनए बाबत या कालावधीत मोठ्या प्रमाणात प्रश्न विचारले जातात. म्हणूनच आज आपण विद्यार्थ्यांना डीएनए विषयीच्या काही महत्त्वाच्या गोष्टींची माहिती सांगणार आहोत.
DNA चा शोध कधी लागला – जर डीएनए चा शोध लागला नसता तर कदाचित आज आपण या विषयावर बोलत नसतो. त्यामुळे सर्वप्रथम याचा शोध कधी लागला हे जाणून घेणे आवश्यक आहे. तर 1869 मध्ये फ्रेडरिक मीशर यांनी डीएनएचा शोध लावला आहे.
पण डीएनएच्या स्ट्रक्चरचा शोध म्हणजे डबल हेलिक्सचा शोध हा डीएनएचा शोध लागल्यानंतर कित्येक वर्षांनी जेम्स वॉटसन आणि फ्रान्सिस क्रिक यांनी लावला. डीएनए स्ट्रक्चरचा शोध 1953 मध्ये लागला. पुढे मॉरिस विल्किन्सच्या एक्स-रे तंत्राने डीएनए पॅटर्न समजून घेण्यात वैज्ञानिकांना मोठे यश आले. याचं शोधामुळे या तिघांना नोबेल पारितोषिक मिळाले आहे.
DNA आहे काय ? – याचा फुल फॉर्म deoxyribonucleic acid असा आहे. डीएनए हा एक असा मॉलिक्युल आहे ज्यामध्ये प्रत्येक सजीवाचा अनुवांशिक कोड असतो. डीएनए मानवी रंग, रचना, वर्तन आणि अगदी रोग देखील ठरवत असतो.
डीएनए कसा दिसतो? – डीएनए एक डबल हेलिक्स किंवा सर्पिल सीडीसारखी रचना असते. त्याचे दोन धागे शर्करा आणि फॉस्फेटपासून बनलेले असतात आणि ते चार बेस – ए, टी, जी आणि सी द्वारे जोडलेले असतात.
डीएनएचे चार बेस असतात – डीएनएचे चार बेस म्हणजे एडेनिन (ए), थायमिन (टी), ग्वानिन (जी) आणि सायटोसिन (सी). ते हायड्रोजन बंधांनी एकमेकांशी जोडलेले असतात. ते आपल्या शरीराचा जेनेटीक कोड तयार करतात.
शरीरात DNA कोणकोणत्या भागात असतो – प्रत्येक पेशींच्या केंद्रकात डीएनए आढळतो. प्रत्येक पेशीमध्ये अंदाजे 3 अब्ज बेस जोड्या डीएनए असतात.
प्रत्येक व्यक्तीचा डीएनए वेगळा असतो का ? – हो प्रत्येकाचा डीएनए वेगळा असतो. पण इथं एक गंमत आहे ती म्हणजे आपल्या डीएनएचा 99.9% भाग सारखाच असतो, जो आपल्याला मानव बनवतो. उर्वरित 0.1% भाग कुटुंबाकडून वारशाने मिळतो, जो प्रत्येक व्यक्तीला वेगळ बनवतो.
डीएनए फक्त माणसात आढळतो का – DNA फक्त Human मधेच असतो असे नाही. तर जेवढे पण जीव आहेत त्या सगळ्यांना डीएनए असतो.
मृत्यूनंतर पण डीएनए टेस्ट करता येते – DNA टेस्ट व्यक्तीच्या मृत्यूनंतरही केली जाऊ शकते. कारण मेल्यानंतरही डीएनए बदलत नाही. डीएनए चाचणी वेगवेगळ्या नमुन्यावरुन केली जाते. रक्त, केस किंवा त्वचेच्या नमुन्यांचा वापर करून डीएनए चाचणी केली जात असते.
