अहमदनगर Live24 टीम, 3 जुलै 2021 :- अहमदनगर जिल्ह्याच्या कोपरगाव तालुक्यात एका तरुणाने विहिरीत उडी मारून आत्महत्या केल्याची धक्कादायक घटना समोर आली आहे.
घराजवळच्या विहिरीत उडी :- सुजित बाळासाहेब चौधरी (वय 25) असे आत्महत्या केलेल्या तरुणाचे नाव आहे. राहाता तालुक्यातील चितळी येथील तरुणाने आपल्या घराजवळच्या विहिरीत उडी घेवून आत्महत्या केली.
पोलीस दलात मोठी खळबळ ;- एका पोलीस कर्मचार्‍याने आपल्या माणसांद्वारे छळ केल्याने आपण आत्महत्या करत असल्याचा संदेश या तरुणाने सोशल मिडीयावर व्हायरल केला आहे. त्यामुळे पोलीस दलात मोठी खळबळ उडली आहे.
विहीरीजवळ मोबाईल… :- काल सायंकाळी सुजीत घरातून बाहेर गेला. उशिरापर्यंत तो परत आला नाही म्हणून कुटुंबियांनी त्याचा शोध घेतला असता घराजवळच्या विहीरीजवळ त्याचा मोबाईल आढळून आला.
छळाला कंटाळून आत्महत्या :- दरम्यान त्याने आत्महत्या करण्यापूर्वी आपल्या मोबाईलवरून एका पोलीस कर्मचार्‍याचे नाव घेवून हा कर्मचारी त्याच्या माणसांद्वारे आपला छळ करीत आहे. त्याच्या छळाला कंटाळून आपण आत्महत्या करीत असल्याचा संदेश व्हायरल केला होता.
त्यांच्या माणसाद्वारे छळ करत आहे… दरम्यान आत्महत्या करण्यापूर्वी सदर तरुणाने सोशल मीडियावर पोस्टही केली होती, ज्यात त्याने लिहिले होते कि शंकर संपत चौधरी आपल्या पदाचा दुरुपयोग करत आहे. माझा त्यांच्या माणसाद्वारे छळ करत आहे. त्यामुळे मी आत्महत्या करत आहे.
पोलीस आता काय भूमिका घेतात? दरम्यान शनिवारी सकाळी सुजितचा मृतदेह बाहेर काढून शवविच्छेदनासाठी पाठविण्यात आला आहे.या तरुणाने आत्महत्या करण्यापूर्वी पाठविलेल्या संदेशात पोलीस कर्मचार्‍याच्या नावाचा उल्लेख केल्याने पोलीस आता काय भूमिका घेतात? याकडे नागरिकांचे लक्ष लागले आहे.
View this post on Instagram
