अहमदनगर Live24 टीम, 16 फेब्रुवारी 2022 :- जिल्हा परिषदेच्या शाळेचे कार्यालयाचे कुलूप बनावट चावीने उघडून शालेय पोषण आहार वाटपाचे साहित्य चोरट्यांनी चोरून नेले.
बहिरवाडी (ता. नगर) येथे ही चोरी झाली. शाळेचे मुख्याध्यापक आदिलअहमद नजीरअहमद शेख (वय 49 रा. कृष्णा इंक्लेव्ह सोसायटी, आर. टी. ओ. कार्यालयाशेजारी, अहमदनगर) यांनी दिलेल्या फिर्यादीत म्हटले आहे की,
file photo
जिल्हा परिषद प्राथमिक शाळा, बहिरवाडीचे कार्यालयाचे कुलूप कोणीतरी बनावट चावीच्या सहाय्याने उघडले. शालेय पोषण आहार वाटपाचे 20 स्टीलचे ताट, 40 चमचे, एक डब्बा, एक भातवडी आणि इतर स्टेशनरी असा सुमारे पाच हजार रुपयांचे साहित्य चोरले.
शेख यांनी दिलेल्या फिर्यादीवरून एमआयडीसी पोलीस ठाण्यात घरफोडीचा गुन्हा दाखल करण्यात आला आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
