२०२५ मध्ये त्रिग्रही योगाच्या आगमनामुळे अनेक राशींना आर्थिक व वैयक्तिक क्षेत्रात मोठे लाभ होण्याची शक्यता दिसत आहे. सूर्य, बुध आणि गुरू यांचा योग एका ठराविक राशीत निर्माण होणार असून या ग्रहांची शक्ती अनेक लोकांच्या नशिबाला नवे वळण देईल. हा योग सुमारे १२ वर्षांनी निर्माण होत असून विशेषतः १५ जूनपासून या प्रभावाची अनुभूती अनेक राशींच्या लोकांना जाणवेल.
मिथुन राशी
मिथुन राशीत या त्रिग्रही योगाचा प्रचंड प्रभाव दिसणार आहे. सूर्य, बुध आणि गुरू यांच्या या युतीमुळे मिथुन राशीच्या लोकांचे नशीब प्रबळ होणार आहे. या काळात त्यांना करिअरमध्ये मोठे यश मिळण्याची शक्यता आहे, तसेच वडिलोपार्जित संपत्तीचे सुखही लाभेल. या राशीवरील आदर वाढेल आणि मानसिक स्थैर्यही मजबूत राहील.
वृषभ राशी
वृषभ राशीसाठीही हा योग अत्यंत फायद्याचा ठरणार आहे. दुसऱ्या घरात ग्रहांच्या या युतीमुळे वृषभ राशीच्या लोकांना वडिलोपार्जित संपत्तीच्या रूपात मोठा फायदा होईल. आर्थिक स्थिती सुदृढ होईल, मन शांत राहील आणि ज्यांचे पैसे कुठेतरी अडकल्याचे वाटत होते, त्यांना लवकरच ते परत मिळतील. नोकरी, व्यवसाय आणि व्यापाऱ्यांना अनेक नवीन संधी प्राप्त होण्याची शक्यता आहे, ज्यामुळे आर्थिक उन्नती नक्कीच होईल.
तूळ राशी
तूळ राशीवरही या योगाचा सकारात्मक परिणाम दिसून येतोय. नवव्या घरातील या ग्रह संयोगामुळे या राशीच्या लोकांना वडिलांचा पाठिंबा मिळेल, तसेच आध्यात्मिक प्रवासाला चालना मिळेल. उच्च शिक्षण घेत असलेल्या विद्यार्थ्यांसाठी हा काळ शुभ आहे आणि सरकारी तसेच खाजगी क्षेत्रातील नोकरी करणाऱ्यांसाठीही संधी उघडतील.
धनु राशी
धनु राशीच्या लोकांच्या आयुष्यात या योगामुळे आनंद आणि समृद्धी येण्याची शक्यता आहे. रवि, बुध आणि गुरू यांची सातवी दृष्टी धनु राशीवर राहणार असल्यामुळे वैवाहिक जीवनात सुख-शांती प्राप्त होईल. कोणत्याही व्यवसायातील भागीदारीतही लाभ दिसून येईल. तसेच, ज्यांना लग्नाला उशीर होतोय, त्यांच्यासाठी हा योग शुभ मानला जातो.
