Guru Aditya Rajyoga 2025 : जून महिन्यात आकाशातील ग्रहस्थितीमध्ये मोठा बदल होणार आहे. ग्रहांचा राजा सूर्य आणि देवांचा गुरु बृहस्पती यांची मिथुन राशीत महत्त्वपूर्ण युती होणार आहे. यामुळे गुरु आदित्य राजयोग तयार होईल, जो अत्यंत शुभ मानला जातो. हा योग निर्माण झाल्यावर काही राशींच्या जीवनात मोठ्या प्रमाणावर संपत्ती, यश, प्रतिष्ठा आणि कौटुंबिक सुख मिळण्याची शक्यता आहे. चला या महत्त्वाच्या राजयोगाबद्दल सविस्तर माहिती जाणून घेऊया.
ज्योतिषशास्त्रात ग्रह, राशी आणि नक्षत्रांना फार मोठे महत्त्व दिले जाते. प्रत्येक ग्रह विशिष्ट कालावधीनंतर एका राशीतून दुसऱ्या राशीत प्रवेश करतो. त्यामुळे काही दुर्मिळ योग तयार होतात, जे जीवनात मोठे बदल घडवू शकतात. याच पार्श्वभूमीवर १४ मे २०२५ रोजी गुरू वृषभ राशीतून मिथुन राशीत प्रवेश करेल आणि १५ जून २०२५ रोजी सूर्यही मिथुन राशीत येईल. सूर्य आणि गुरूची ही युती गुरु आदित्य राजयोग निर्माण करेल, जो काही राशींसाठी अत्यंत शुभ आणि लाभदायक सिद्ध होईल.
मिथुन राशी-
मिथुन राशीच्या लोकांसाठी हा राजयोग विशेष लाभदायक ठरेल. पदोन्नती, उत्पन्नवाढ आणि समाजात मान-सन्मान मिळण्याचे योग तयार होतील. दीर्घ काळापासून विचाराधीन असलेल्या योजना यशस्वी होतील. विवाहित लोकांच्या वैवाहिक आयुष्यात सौहार्द वाढेल आणि अविवाहित लोकांना विवाहाचे चांगले प्रस्ताव मिळू शकतात. व्यवसायातही भरघोस नफा होण्याची शक्यता आहे. जमीन-जुमल्याच्या व्यवहारातून फायदा होईल आणि संततीसुख लाभेल.
मीन राशी
मीन राशीसाठी गुरु आदित्य राजयोग अत्यंत शुभ ठरेल. गुंतवणुकीतून आर्थिक लाभ मिळेल. वाहन किंवा मालमत्ता खरेदीसाठी हा काळ अनुकूल ठरेल. विद्यार्थ्यांना अभ्यासात यश मिळेल आणि स्पर्धा परीक्षेत चांगले निकाल मिळण्याची शक्यता आहे. कुटुंबातील वाद मिटून वातावरण आनंदी राहील. तसेच रिअल इस्टेट, प्रॉपर्टी किंवा जमीन व्यवसायाशी संबंधित लोकांसाठीही हा काळ आर्थिक दृष्ट्या फलदायी असेल.
वृषभ राशी
वृषभ राशीच्या लोकांसाठी हा काळ अचानक आर्थिक लाभ घेऊन येईल. व्यापाऱ्यांना अडकलेली देणी परत मिळू शकतात. आर्थिक स्थिती मजबूत होईल आणि नोकरीच्या शोधात असलेल्या व्यक्तींना नवीन संधी मिळू शकतात. आरोग्यात सुधारणा होईल आणि मानसिक स्थिती अधिक स्थिर बनेल, ज्यामुळे जीवनातील निर्णय अधिक सकारात्मक होऊ शकतात.
कुंभ राशी
कुंभ राशीसाठीही गुरु आदित्य योग अत्यंत लाभदायक ठरेल. मुलांकडून आनंददायी बातम्या येण्याची शक्यता आहे. कौटुंबिक वातावरण सुखद राहील. अचानक आर्थिक लाभ संभवतो. नवीन नोकरीच्या संधी मिळू शकतात तसेच अविवाहित लोकांना विवाहाचे प्रस्ताव मिळू शकतात. करिअरमध्ये प्रगतीसाठी नवे दरवाजे खुली होतील.
सिंह राशी
सिंह राशीसाठी हा काळ अत्यंत शुभ आहे. नशिबाची साथ लाभेल आणि उत्पन्नात मोठी वाढ होईल. संपत्ती आणि मालमत्तेच्या व्यवहारात लाभ होईल. करिअरमध्ये मोठी झेप घेता येईल. कुटुंबातील वातावरण सुखी राहील. गुंतवणुकीतून नफा मिळण्याची शक्यता आहे. शेअर बाजार, सट्टेबाजी किंवा लॉटरीतही लाभ होऊ शकतो.
दरम्यान, सूर्य आणि गुरू एकाच राशीत एकत्र आले किंवा एकमेकांच्या दृष्टिकोनात आले तर हा अत्यंत शुभ योग घडतो. ज्यांच्या जन्मकुंडलीत हा योग तयार होतो, त्यांना जीवनात ज्ञान, संपत्ती, यश, सन्मान तसेच वैवाहिक आणि कौटुंबिक सुख प्राप्त होते. त्यामुळे हा योग राशीच्या जातकांच्या जीवनात समृद्धी, प्रतिष्ठा आणि आनंद घेऊन येतो.
