Numerology :- कधी कधी आयुष्यात काही लोक असे भेटतात, जे लहानपणापासूनच वेगळे वाटतात.त्यांच्या बुद्धीची चमक, त्यांच्या नशिबाचा जोर, आणि त्यांच्या व्यक्तिमत्त्वातली एक खास जादू. काही जण म्हणतात, हे फक्त मेहनतीमुळे शक्य होतं; पण जे ज्योतिषशास्त्र आणि अंकशास्त्रावर विश्वास ठेवतात, त्यांच्यासाठी या गोष्टींचा अर्थ आणखी खोल असतो. कारण त्यांचं म्हणणं आहे की, आपल्या जन्मतारखेमुळेच आपल्या आयुष्याची दिशा ठरते. आणि या संख्यांमध्ये काही विशेष आकडे असे असतात, जे अगदी भाग्यवान आणि शक्तिशाली मानले जातात. आज आपण अशाच एका खास संख्येबद्दल जाणून घेणार आहोत व ती संख्या ७ होय.
मेंदू इतरांपेक्षा अधिक तीव्र
संख्या ७ ही एक अशी संख्या आहे जी अनेकांना यश, संपत्ती आणि अद्भुत बुद्धिमत्ता प्रदान करते, असं मानलं जातं. जर तुमचा जन्म ७, १६ किंवा २५ तारखेला झाला असेल, तर तुमचं आयुष्य अंकशास्त्रानुसार या विलक्षण संख्येच्या प्रभावाखाली येतं.
या लोकांचा मेंदू इतरांपेक्षा अधिक तीव्र असतो. कल्पकतेने भरलेले, निर्णय क्षमतेत पारंगत आणि कोणत्याही परिस्थितीतून मार्ग काढण्याचं कौशल्य त्यांच्यात नैसर्गिकरित्या असतं. त्यांच्या विचारशक्तीची गती कधी कधी संगणकालाही मागे टाकते, असं म्हणावं लागेल.
या लोकांमध्ये असतो प्रचंड आत्मविश्वास
हे लोक केवळ बुद्धिमानच नसतात, तर त्यांच्यात आत्मविश्वास, नेतृत्वगुण, आणि कार्यक्षमतेचं विलक्षण मिश्रण असतं. लहानपणापासूनच त्यांना नशिबाची साथ मिळते.
त्यांच्या आयुष्यात अडचणी आल्या तरी त्या तोडून पुढं जाण्याची ताकद ते बाळगतात. या संख्येच्या व्यक्तींचं एक वैशिष्ट्य म्हणजे त्यांनी जे ठरवलं, ते ते पूर्ण केल्याशिवाय राहत नाहीत. मेहनत करण्याची तयारी आणि चिकाटी ही त्यांची खरी ओळख असते.
व्यवसाय, कला, राजकीय क्षेत्रात यशस्वी
या गुणांमुळेच त्यांचं आयुष्य हळूहळू बदलत जातं. कुठलंच क्षेत्र असो व्यवसाय, शास्त्र, कला, राजकारण किंवा तंत्रज्ञान संख्या ७ असलेल्या व्यक्ती त्या क्षेत्रात आपला ठसा उमटवतात. त्यांच्या हातून घडणारी प्रत्येक गोष्ट ही फक्त यशाचीच कहाणी सांगते. त्यांचे निर्णय दूरदृष्टीचे असतात आणि त्यामुळेच त्यांना आर्थिक स्थैर्य आणि सामाजिक प्रतिष्ठा सहज मिळते.
