May Born Personality : मे महिना सुरु झाला आहे. सध्या वातावरणात ऊन व पाऊस यांचा खेळ सुरु आहे. हवामान लहरी आहे. परंतु या महिन्यात जन्मलेल्या व्यक्तींचा स्वभाव काही खास असणार आहे. या महिन्यात जन्मलेल्या व्यक्तीचा स्वभावाचे काही विशेष गुण सांगितले गेले आहे.
ज्योतिषशास्त्रानुसार प्रत्येक महिन्याला एक विशेष महत्त्व असते. त्यानुसार, प्रत्येक महिन्यात जन्मलेल्या माणसाचा स्वभाव, त्यांची आवड निवड, त्यांचं भविष्य सांगता येतं. मे महिन्यात जन्मलेल्या लोकांचा स्वभाव कसा असतो? त्यांची काय वैशिष्ट्ये असतात? याबद्दल आज आपण जाणून घेऊ.
कसा असतो मे महिना?
मे महिन्यात सूर्य मेष आणि वृषभ राशीत प्रवेश करतो. यामुळे या महिन्यात जन्मलेल्या लोकांवर याचा विशेष प्रभाव दिसून येतो. मे महिन्यात जन्मलेल्या लोकांमध्येही सूर्याचे अनेक गुण पाहायला मिळतात. मे महिन्यात जन्मलेल्या लोकांमध्ये असे असे काही गुण असतात,
जे इतर महिन्यांत जन्मलेल्या लोकांमध्ये जाणवत नाहीत. मे महिन्यात जन्मलेले लोक इतरांसमोर त्यांचे शब्द काळजीपूर्वक वापरतात. कोणत्याही समस्येला तोंड कसं द्यायचं, हे त्यांना चांगलंच ठाऊक असतं. या लोकांना इतरांची मने देखील ओळखता येतात. थोडक्यात या महिन्यात जन्मलेले लोक हे मनकवडे असतात.
इतरांपेक्षा हुशार असतात
मे महिन्यात जन्मलेले मुल हे हुशार असते. त्यांना नवीन माहिती संपादन करायला, नवीन गोष्टी शिकायला आवडते. मे महिन्यात जन्मलेल्या नेहमी काही ना काही वेगळे करण्याच्या प्रयत्नात असतात. या लोकांना नवीन तंत्रज्ञानाचा वापर करून शिक्षण घ्यायला आवडतं.
मे महिन्यात जन्मलेल्या लोकांना चित्रकला, छायाचित्रण, सर्जनशील अॅक्टिव्हिटी आणि वाचन, लेखन करायला आवडते. आपलं ध्येय साध्य करण्यासाठी हे लोक अपार मेहनत करतात.
मनमिळाऊही असतात
या लोकांचा स्वभाव हा मुळातच मनमिळाऊ असल्यामुळे त्यांना सर्वांबरोबर एकत्र राहायला आवडते. त्यांच्यात सहानुभूतीची भावना आहे. यामुळेच त्यांचे कोणाशीही नाते दीर्घकाळ टिकते. हे लोक आपल्याबरोबर इतरांच्याही चांगल्याचा विचार करतात.
यामुळेच ते इतरांपेक्षा वेगळे ठरतात. या महिन्यात जन्मलेले लोक हे कोणतेही काम काळजीपूर्वक करतात. हातातील काम जोपर्यंत पूर्ण होत नाही, तोपर्यंत ते स्वस्थ बसत नाहीत.
