Sun Transit | सूर्याला नवग्रहांमध्ये विशेष स्थान दिलं जातं. त्याचा राशी किंवा नक्षत्रातील प्रत्येक हालचाल मानवी जीवनावर परिणाम घडवते. 14 एप्रिल 2025 रोजी सूर्य अश्विनी नक्षत्रात प्रवेश करणार असून, हा बदल काही राशींसाठी विशेष फायदेशीर ठरणार आहे. अश्विनी हे नक्षत्र मेष राशीमध्ये येते आणि त्याचा स्वामी केतू आहे. अशा वेळी सूर्य उच्च स्थानी असतो. त्यामुळे काही राशींच्या लोकांवर सूर्यदेवाची विशेष कृपा राहणार आहे. या काळात नशिबाने साथ दिल्याने अनेक सकारात्मक बदल घडतील.
सर्वसाधारणपणे सूर्याच्या नक्षत्र बदलाचा परिणाम सर्व 12 राशींवर होतो, मात्र या वेळी विशेषतः मिथुन, सिंह आणि वृश्चिक या तीन राशींवर अधिक सकारात्मक प्रभाव पडणार आहे. या राशींच्या लोकांना नोकरीत पदोन्नती, उत्पन्नवाढ, न्यायिक यश आणि मानसिक समाधान यासारखे अनेक फायदे मिळतील. चला पाहूया या तीन राशींसाठी हा कालावधी कसा ठरणार आहे.
मिथुन राशी
मिथुन राशीसाठी हा काळ अत्यंत शुभ मानला जातो. सूर्य लाभस्थानात प्रवेश करत असल्यामुळे उत्पन्न वाढण्याची शक्यता आहे. यासोबतच परदेश प्रवासाचे योग तयार होतील. व्यवसायात फायदेशीर करार होतील, नव्या संधी मिळतील आणि नातेसंबंधातही सुधारणा होईल. आत्मविश्वासात वाढ होईल आणि निर्णय क्षमतेत स्पष्टता येईल.
सिंह राशी
सिंह राशीच्या लोकांना या कालावधीत नशिबाची प्रबळ साथ लाभेल. सूर्य भाग्यस्थानात स्थान घेणार असल्यामुळे मागील काळातील अडथळे दूर होतील. नोकरीत पदोन्नती आणि आर्थिक वृद्धीच्या संधी मिळतील. कौटुंबिक जीवनात समाधान आणि शांतता लाभेल. आत्मविश्वास आणि नेतृत्वगुणांमुळे तुम्ही महत्त्वाच्या जबाबदाऱ्या यशस्वीरित्या पार पाडाल.
वृश्चिक राशी
वृश्चिक राशीसाठी सूर्य सहाव्या स्थानात राहील. याचा अर्थ कार्यक्षेत्रात मोठी प्रगती होण्याची शक्यता आहे. स्पर्धा परीक्षांमध्ये यश, न्यायालयीन प्रकरणात विजय, पगारवाढ आणि पदोन्नतीचे संकेत आहेत. याशिवाय आरोग्यातही सुधारणा होईल आणि मानसिक बळ मिळेल.
