Lucky Zodiac Sign March 2025 : वैदिक ज्योतिष शास्त्रानुसार नवग्रहातील सर्व ग्रह एका ठराविक कालावधीनंतर राशी आणि नक्षत्र परिवर्तन करत असतात. दरम्यान ग्रहांच जेव्हा राशी आणि नक्षत्र परिवर्तन होते तेव्हा याचा राशीचक्रातील सर्वच राशीच्या लोकांवर सकारात्मक आणि नकारात्मक असा प्रभाव पाहायला मिळतो. ग्रहांच्या राशी परिवर्तनामुळे शुभ आणि अशुभ राजयोग तयार होत असतात आणि याचा सरळ प्रभाव मानवी जीवनावर पाहायला मिळतो. वैदिक ज्योतिष शास्त्रात चंद्र ग्रहाला देखील महत्त्वाचे स्थान देण्यात आले आहे, पण हा ग्रह सर्वात जलद गतीने भ्रमण करणारा ग्रह म्हणून ओळखला जातो. हा ग्रह एका राशीत फक्त अडीच दिवस राहतो. म्हणजेच दर अडीच दिवसांनी चंद्र ग्रहाचे राशी परिवर्तन होत असते आणि याचा राशीचक्रातील सर्वच राशीच्या लोकांवर प्रभाव पडतो. दरम्याने येत्या 24 तासांनी अर्थातच 14 मार्च 2025 रोजी चंद्रग्रहाचे पुन्हा एकदा राशी परिवर्तन होणार आहे. 14 मार्चला दुपारी चंद्र ग्रह कन्या राशीत येणार आहे. दुसरीकडे गुरु ग्रह वृषभ राशीत आहे अन त्याची दृष्टी चंद्र ग्रहाचे गोचर झाल्यानंतर चंद्रावर पडणार आहे, ज्यामुळे गजकेसरी राजयोग निर्माण होईल अन याचा राशीचक्रातील तीन राशीच्या लोकांना विशेष फायदा होताना दिसणार आहे. या संबंधीत तीन राशीच्या लोकांचा वाईट काळ आता संपणार आहे आणि या लोकांच्या आयुष्यात मोठा सकारात्मक बदल पाहायला मिळणार आहे.
कोणत्या राशीच्या लोकांना मिळणार लाभ?
सिंह राशी : या राशीच्या लोकांची आर्थिक परिस्थिती आता उत्तम होणार आहे. पैशांची सर्व प्रकारची अडचण दूर होणार आहे. या लोकांसाठी नवीन इन्कम सोर्स सापडतील. या राशीच्या ज्या लोकांवर कर्जाचे ओझे असेल त्यांचे कर्ज देखील फिटणार आहे. या लोकांच्या आयुष्यात आता मोठा सकारात्मक बदल दिसेल आणि यांच्या जीवनात सर्वत्र आनंदी आनंद राहणार आहे. शेअर बाजारात गुंतवणुकीसाठी हा काळ विशेष अनुकूल असून शेअर मार्केट मधून या काळात चांगला पैसा मिळण्याची शक्यता आहे. या काळात या लोकांचे शारीरिक आणि मानसिक आरोग्य चांगले राहणार आहे. या लोकांच्या मनातील काही इच्छा देखील या काळात पूर्ण होण्याची शक्यता आहे.
मिथुन राशी : गजकेसरी राजयोग मिथुन राशीच्या लोकांसाठी मोठा फायद्याचा ठरणार आहे. या लोकांचा संकटाचा काळ आता समाप्त होईल आणि यांच्या जीवनात मोठा आनंद येणार आहे. या राशीचे लोक सुख आणि संपत्तीसह वाहने, घरे, भूखंड इत्यादी खरेदी करू शकतात. या राशीच्या लोकांचा त्यांच्या पालकांबरोबर चांगला वेळ जाईल. चंद्राच्या स्थितीनुसार पालकांचे आरोग्यही चांगले राहणार आहे. यांच्या जीवनात आनंद येईल. विद्यार्थी, नोकरदार मंडळी आणि व्यवसायिकांसाठी हा काळ मोठा अनुकूल राहणार आहे. पैशांच्या बाबतीत देखील हा काळ फायद्याचा राहणार आहे.
वृषभ राशी : सिंह आणि मिथुन राशि प्रमाणे वृषभ राशीच्या जातकांसाठी देखील आगामी काही दिवस विशेष लाभाचे ठरणार आहेत. नवीन वाहन, जमीन, मालमत्ता, घर इत्यादी खरेदी करण्याचे योग तयार होत आहेत. या राशीच्या लोकांमध्ये नेतृत्व कौशल्य वाढेल, ज्यामुळे यांना कामाच्या ठिकाणी मोठी जबाबदारी मिळेल असे दिसते. या लोकांच्या कुटुंबात चांगले उत्साहाचे वातावरण राहणार आहे.
