Zodiac Sign : वैदिक ज्योतिषशास्त्रानुसार नवग्रहातील ग्रह एका ठराविक कालावधीनंतर राशी आणि नक्षत्र परिवर्तन करत असतात. महत्वाची बाब म्हणजे ग्रहांची स्थिती आणि त्यांचे परिवर्तन मानवी जीवनावर थेट परिणाम करतात. यामुळे जेव्हा केव्हा ग्रहांचे राशी किंवा नक्षत्र परिवर्तन होते तेव्हा याचा आपल्या जीवनावर सकारात्मक किंवा नकारात्मक असा प्रभाव पाहायला मिळतो.
काही वेळा ग्रहांच्या नक्षत्र किंवा राशी परिवर्तनामुळे आयुष्यात चांगले दिवस येतात तर काही वेळा आयुष्यात संकटाचाही काळ पाहायला मिळतो. ग्रहांच्या राशी तसेच नक्षत्र परिवर्तनामुळे राजयोगाची देखील निर्मिती होते. यातील काही ग्रहयोग असे असतात की ते आपल्यापैकी काही लोकांच्या आयुष्यात अनपेक्षित यश, कीर्ती, संपत्ती आणि समृद्धी घेऊन येतात.
आता असाचं एक शुभयोग तयार होतोय. हा प्रभावशाली मालव्य राजयोग या नोव्हेंबर महिन्यात बनत आहे, जो की अनेकांच्या नशिबात नवी झळाळी घेऊन येणार आहे. ज्योतिष तज्ञांनी सांगितल्याप्रमाणे दोन नोव्हेंबरला शुक्र ग्रह तूळ राशीमध्ये प्रवेश करणार आहे.
यामुळे मालव्य राजयोग तयार होईल. शुक्र ग्रह जेव्हा स्वतःच्याच राशीत प्रवेश करतो तेव्हा हा राजयोग तयार होतो. दरम्यान आता आपण मालव्य राज योगामुळे राशीचक्रातील कोणत्या राशीच्या लोकांचा सुवर्णकाळ सुरू होणार याबाबत माहिती पाहुयात.
वृषभ – या राशीच्या लोकांसाठी हा काळ फार अनुकूल सिद्ध होऊ शकतो. हा राजयोग आर्थिक दृष्ट्या लाभदायक ठरणार आहे. या लोकांची गेल्या अनेक दिवसांची अडकलेली कामे या काळात पूर्ण होऊ शकतात.
तसेच पैशांच्या बाबतीतही हा काळ या लोकांसाठी अनुकूल राहणार आहे. या काळात नवीन उत्पन्नाचे मार्ग खुलू शकतात. करिअरमध्ये प्रगती व वैवाहिक जीवनात सौख्य येणार आहे.
तूळ – या राशीच्या लोकांवर शुक्राचा थेट प्रभाव राहणार आहे. या लोकांना मालव्य राजयोगामुळे आपापल्या क्षेत्रात चांगली प्रगती साधता येणार आहे. नोकरी, व्यवसाय, कला किंवा ग्लॅमर क्षेत्रातील लोकांना या काळात मोठी संधी मिळू शकते. प्रतिष्ठा, आत्मविश्वास आणि आर्थिक स्थैर्य वाढण्याचे संकेत आहेत.
धनू – मालव्य राजयोग धनु राशीच्या लोकांसाठी देखील मोठा लाभाचा राहणार आहे. या राशीच्या व्यक्तींना सामाजिक ओळख, परदेश प्रवास आणि नवीन प्रकल्पांच्या संधी मिळू शकतात.
करिअरवाईस हा काळ फायद्याचा राहणार आहे. करिअरमध्ये नवे दरवाजे खुलतील. तसेच दीर्घकाळातील अडथळे दूर होणार आहेत. या लोकांच्या आयुष्यातील आव्हानाचा काळ आता संपणार आहे.
