Car Care Tips : तुम्ही कार वापरत असाल तर लवकरच सावध व्हा. कारण कारच्या काही चुकांकडे आपण नेहमी दुर्लक्ष करत असतो. हे दुर्लक्ष करणे महागात पडू शकते. कार वापरत असताना तिची नेहमी काळजी घेणे गरजेचे आहे अन्यथा काही वेळा जीवितहानी देखील होऊ शकते.
कारच्या बिघाडाकडे नेहमी लक्ष दिले पाहिजे. ते लवकर दुरुस्त केल्याने कारही व्यवस्थित चालते आणि जीवालाही कोणता धोका निर्माण होत नाही. कार चालकाने कार चालवत असताना नेहमी कारच्या सर्व गोष्टींकडे लक्ष दिले पाहिजे.
सीएनजी गळती
ऑटोमोबाईल क्षेत्रातील अनेक कंपन्यांच्या सीएनजी कार बाजारात उपलब्ध आहेत. मात्र सीएनजी कार वापरत असताना नेहमी सीएनजी गळती होत आहे का? टाकडे लक्ष दिले पाहिजे. सीएनजी गळतीमुळे अनेकदा धोका निर्माण होतो.
सीएनजी गळती होत असेल तर कार चालवणे धोकादायक आहे. ती लगेच दुरुस्त करून घ्यावी. सीएनजी गळतीमुळे कारला आग देखील लागू शकते. त्यामुळे सीएनजी गळती होत आहे का नाही याची वेळोवेळी खबरदारी घ्यावी.
इंजिन तापमान
जास्त वेळ सतत कार चालविल्याने कारचे इंजिन तापते. कारचे इंजिन गरम होऊ नये यासाठी नेहमी काळजी घेतली पाहिजे. जसे की इंजिनजवळ पंखे बसवले जातात जे इंजिनवर हवा फेकतात आणि ते थंड ठेवण्यास मदत करतात.
जास्त इंजिन गरम झाल्याने कारला आग देखील लागू शकते. तसेच आतमध्ये बसलेल्या व्यक्तींना जीवितहानी देखील होऊ शकते. इंजिन थंड ठेवण्यासाठी झिंकचा वापर करावा.
धूम्रपान
कारमध्ये धुम्रपान करणे देखील टाळावे. जर एखादी व्यक्ती कारमध्ये धुम्रपान करत असेल आणि सीएनजी लिकेज असेल तर ती लगेच आग पकडते. ही आग भीषण असू शकते. कारचा स्फोटही होऊ शकतो.
