IMD Alert : देशातील बदलत असणाऱ्या हवामानामुळे आज काही राज्यात पाऊस तर काही राज्यात तापमानात वाढ होताना दिसत आहे तर दुसरीकडे अनेक भागात बर्फवृष्टी सुरु आहे. यामुळे आता हवामान विभागाने 10 राज्यांमध्ये 25 फेब्रुवारीपर्यंत पाऊस तसेच पर्वतांवर बर्फवृष्टी आणि पूर्व राज्यात गडगडाट आणि विजांच्या कडकडाटाचा इशारा दिला आहे.
विभागाने दिलेल्या माहितीनुसार काही भागात पावसाच्या सरी पडतील यामुळे सकाळ-संध्याकाळ पुन्हा एकदा थंडी सुरु होईल. आसाम, मेघालय, नागालँड, मणिपूर, हिमालयीन पश्चिम बंगाल, हरियाणा, चंदीगड, दिल्ली आणि पंजाब या राज्यात हवामान विभागाने पावसाचा इशारा दिला आहे तर हिमाचल प्रदेश, जम्मू काश्मीर, उत्तराखंड आणि लडाखमध्ये बर्फवृष्टीची शक्यता वर्तवली आहे.
हवामान खात्याने अनेक भागात उष्णतेच्या लाटेचा इशारा दिला आहे. पश्चिम अरुणाचल प्रदेश, टेकड्यांवर पुढील 24 तासांत हलकी बर्फवृष्टी आणि पाऊस पडेल. दुसरीकडे झारखंडमध्ये तापमानात तीन ते चार अंशांची वाढ दिसून येत आहे. याशिवाय महाराष्ट्र, गोव्यासह केरळमध्येही तापमानात झपाट्याने वाढ होणार आहे, तर राजस्थान आणि गुजरातमध्येच अनेक ठिकाणी तापमानात वाढ झाली आहे.
हवामान माहिती
अरुणाचल प्रदेशात गडगडाट होण्याची शक्यता आहे. अंदमान आणि निकोबार बेटे, नागालँड, मणिपूर, उप-हिमालय पश्चिम बंगाल, हरियाणा, चंदीगड, दिल्ली आणि पंजाबमध्ये विखुरलेल्या पावसाची शक्यता आहे. आसाम आणि मेघालयात विजांच्या कडकडाटासह विखुरलेला पाऊस पडू शकतो. उत्तराखंड, हिमाचल प्रदेश, जम्मू आणि काश्मीर आणि लडाखच्या काही भागात बर्फ/पावसाची शक्यता आहे. सकाळच्या वेळी, ओडिशा आणि गंगा पश्चिम बंगालच्या वेगवेगळ्या ठिकाणी दाट धुके पडण्याची शक्यता आहे.
या भागात पावसाची शक्यता
अनेक भागात पावसाची शक्यताही हवामान खात्याने व्यक्त केली आहे. ईशान्य भारतात पावसाची प्रक्रिया सुरूच राहणार आहे. 21 ते 25 फेब्रुवारीपर्यंत पूर्वेकडील राज्यात पावसाची शक्यता आहे. अरुणाचल प्रदेशात बुधवार ते शुक्रवारपर्यंत मुसळधार पावसाचा इशारा देण्यात आला आहे. याशिवाय मेघालयात विजांचा कडकडाट होण्याची शक्यता आहे. आसाममध्ये पावसाचा जोर कायम राहणार आहे. अरुणाचल प्रदेशातही गडगडाटासह मुसळधार पाऊस आणि हिमवृष्टीचा अंदाज वर्तवण्यात आला आहे.
अंदमान निकोबार बेटांवर पावसाची शक्यता
हवामान खात्याच्या अंदाजानुसार अंदमान आणि निकोबार दीप समुहात हलक्या सरी पडू शकतात. याशिवाय पश्चिम बंगाल, नागालँड आणि मणिपूरमध्येही पावसाचा अंदाज जारी करण्यात आला आहे. या दरम्यान, गंगेच्या पश्चिम बंगाल आणि ओडिशाच्या काही भागात दाट धुके दिसू शकते.
डोंगराळ भागात हलका पाऊस आणि हिमवृष्टी
हवामान खात्याच्या म्हणण्यानुसार 2 दिवस हलका ते जोरदार पाऊस पडू शकतो. ज्यामुळे तापमानात घट दिसून येईल. याशिवाय हिमाचल प्रदेशसह उत्तराखंड, लडाख, जम्मू-काश्मीरमध्येही पाऊस आणि बर्फवृष्टीचा अंदाज जारी करण्यात आला आहे. बर्फाळ वाऱ्याचा परिणाम उत्तर प्रदेशसह दिल्ली, हरियाणा, पंजाबच्या भागावर होईल. त्यामुळे हवामानात बदल होण्याची शक्यता आहे.
हवामान अपडेट
पुढील 24 तासांत राजस्थान आणि गुजरातमध्ये तापमानात घट होण्याची शक्यता आहे. अनेक भागांमध्ये दिवस आणि रात्रीचे तापमान सामान्यपेक्षा जास्त राहण्याची शक्यता आहे. अरुणाचल प्रदेश, हिमाचलसह उत्तराखंड, आसाम, मेघालय आणि सिक्कीममध्येही हलका पाऊस आणि हिमवृष्टीचा अंदाज जारी करण्यात आला आहे.
उत्तराखंडमध्ये उष्णतेचा विक्रम मोडला
उत्तराखंडमध्ये सोमवारी हंगामातील सर्वाधिक 29 अंश सेल्सिअस तापमानाची नोंद झाली. किमान तापमानात 20 अंशांची वाढ झाली आहे. तापमान 8 ते 10 अंशांपर्यंत वाढण्याचा अंदाज जारी करण्यात आला होता. यासोबतच मंगळवार आणि बुधवारी अलर्ट जारी करण्यात आला आहे. मुक्तेश्वरचे तापमान 21 अंश सेल्सिअसवर पोहोचले आहे. यासोबतच काही भागात भूस्खलन आणि हिमस्खलन होण्याची शक्यताही व्यक्त करण्यात आली आहे.
हे पण वाचा :- Vastu Tips For Money Locker: तिजोरीशी संबंधित ‘हे’ उपाय करा ; मिळणार माँ लक्ष्मीचा आशीर्वाद
