Pan Card Holders : पॅन कार्डधारकांसाठी एक मोठी बातमी समोर आली आहे. या बातमीनुसार 31 मार्च 2023 पर्यंत पॅन कार्डधारकांनी जर पॅन कार्ड आणि आधार कार्ड लिंक केले नाहीतर त्याचे पॅन कार्ड रद्द केले जाणार आहे. आम्ही तुम्हाला सांगतो 61 कोटी पॅन कार्डधारकांपैकी आतापर्यंत 8 कोटी पॅन कार्डधारकांनी पॅन कार्ड आधारशी लिंक केले आहे मात्र आता देखील तब्बल 13 कोटी पॅन कार्डधारक असे आहे ज्यांनी अद्याप पॅन-आधार लिंक केलेला नाही यामुळे 31 मार्च 2023 नंतर या लोकांचे पॅन रद्द होण्याची शक्यता आहे.
31 मार्चपर्यंत संधी
जे लोक 31 मार्चपर्यंत हे करत नाहीत, त्यांना व्यवसाय आणि कर संबंधित कामांमध्ये लाभ मिळणार नाही. केंद्रीय प्रत्यक्ष कर मंडळाचे अध्यक्ष नितीन गुप्ता म्हणाले की, अनेक कोटी पॅन अद्याप आधारशी जोडलेले नाहीत, परंतु हे काम 31 मार्चच्या अंतिम मुदतीपर्यंत पूर्ण होण्याची अपेक्षा आहे. सरकारने आधारशी पॅन लिंक करणे अनिवार्य केले आहे. यासाठी 31 मार्च 2023 ची अंतिम मुदत ठरवून, आधारशी लिंक नसलेले वैयक्तिक पॅन या तारखेनंतर निष्क्रिय घोषित केले जातील, असे सांगण्यात आले आहे. यासोबतच सरकारने म्हटले आहे की, सध्यापासून 31 मार्चपर्यंत पॅनला आधारशी लिंक करण्यासाठी 1,000 रुपये शुल्क भरावे लागेल.
लिंक न केल्यास कार्ड निष्क्रिय केले जाईल
CBDT प्रमुख म्हणाले की, आधारशी पॅन लिंक करण्याबाबत अनेक जागरुकता मोहिमा राबवण्यात आल्या आहेत आणि आम्ही ही मुदत अनेक वेळा वाढवली आहे. जर देय तारखेपर्यंत पॅन आधारशी लिंक केले नाही तर, धारकाला कर लाभ मिळू शकणार नाहीत कारण त्याचा पॅन मार्च नंतर वैध राहणार नाही.
CBDT ने गेल्या वर्षी जारी केलेल्या परिपत्रकात हे स्पष्ट केले आहे की एकदा पॅन निष्क्रिय झाल्यावर संबंधित व्यक्तीला आयकर कायद्यांतर्गत विहित केलेल्या सर्व परिणामांना सामोरे जावे लागेल. यामध्ये आयकर रिटर्न न भरणे आणि प्रलंबित रिटर्नवर प्रक्रिया न करणे यासारख्या परिस्थितींचा समावेश आहे.
यासोबतच पॅनला कॉमन आयडेंटिफायर बनवण्याची अर्थसंकल्पीय घोषणा उद्योग जगतासाठी फायदेशीर ठरेल, असे ते म्हणाले. अर्थमंत्री निर्मला सीतारामन यांनी अर्थसंकल्पात जाहीर केले आहे की सरकारी संस्थांच्या डिजिटल प्रणालींमध्ये आता व्यावसायिक आस्थापनांद्वारे पॅनचा वापर सामान्य ओळखकर्ता म्हणून केला जाईल.
हे पण वाचा :- Tata Nexon: विश्वास बसेना ! फक्त 90 हजारात मिळत आहे टाटाची ‘ही’ पावरफुल SUV कार ; फीचर्स पाहून व्हाल थक्क
