India News : अनेकांच्या बलिदानामुळे शेकडो वर्षांचं राम मंदिर निर्मितीचे स्वप्न पूर्ण होत आहे. याचा भारतासह जगातील अनेक देशांना आनंद आहे. अयोद्धेत राम मंदिर निर्माण झाले, त्याचबरोबर आता रामराज्यसुद्धा येत आहे, याचा मोठा आनंद होतोय.
राम मंदिर हा श्रद्धा आणि अस्थेचा विषय आहे, तो राजकारणाचा विषय नाही. राम मंदिर उभारणीसाठी मोठा संघर्ष करावा लागला.पंतप्रधान नरेंद्र मोदी यांच्या नेतृत्वात आपला भारत देश जगाला दिशा दाखवत आहे.
त्यांच्या नेतृत्वाखाली देश लवकरच विश्वगुरू बनणार असल्याचे प्रतिपादन मध्य प्रदेशचे माजी मुख्यमंत्री शिवराजसिंह चौहान यांनी केले.
साईबाबांच्या दर्शनानंतर चौहान यांनी पत्रकारांशी संवाद साधला. पंतप्रधान मोदी यांच्या नेतृत्वाखाली संपन्न, समृद्ध, वैभवशाली तसेच गौरवशाली भारत निर्मितीकरिता प्रत्येक भारतीयाने प्रामाणिक मेहनतीचे व निष्ठेच योगदान दिले पाहिजे.
मध्य प्रदेशचे नवीन सरकार प्रगती व विकासाच्या नवीन उंचीवर काम करेल. विकास ही एक निरंतर प्रक्रिया असून त्यासाठी मध्य प्रदेशचे मुख्यमंत्री व सरकारला मी पूर्णपणे सहयोग व योगदान देणार आहे. माझ्यानंतर माझ्या जागी येणारा माझ्यापेक्षाही चांगलं काम करेल,
अशी विचारधारा कार्यकर्त्याकडे असायला हवी. राम मंदिर उभारणीसाठी अनेकांनी बलिदान दिले आहे, अनेक शहीद झाले आहेत, तेव्हा कुठे शेकडो वर्षाचं राम मंदिराचे स्वप्न आता पूर्ण होत आहे. याबद्दल सर्वत्र आनंदाचे वातावरण आहे; पण फक्त राम मंदिर उभारले नाही, तर आता रामराज्यसुद्धा येत आहे.
विरोधकांनी केवळ ईव्हीएमला दोष देण्याऐवजी सत्यता स्वीकारायला हवी. अशी मिश्किल टिप्पणी देखील त्यांनी केली.
