अहमदनगर Live24 टीम, 24 नोव्हेंबर 2021 :- राजधानी दिल्लीतील द्वारका भागात एका महिलेवर बलात्कार आणि हत्या प्रकरणाचा खुलासा करत पोलिसांनी आरोपी 17 वर्षीय मुलाला अटक केली आहे.
आरोपीने महिलेवर बलात्कार करुन तिची हत्या केली आणि मग पुरावे मिटवण्यासाठी तिच्या गुप्तांगाला आग लावली.नराधमाचा क्रुरपण पाहून पोलिसही हादरले आहेत. महिलेची हत्या केल्यानंतर पुरावा नष्ट करण्यासाठी या मुलाने तिच्या प्रायव्हेट पार्टला आग लावल्याचा आरोप आहे.
या प्रकरणाच्या तपासादरम्यान सुमारे 2700 लोकांची चौकशी करण्यात आली असून अनेक सीसीटीव्ही कॅमेऱ्याचे फुटेजही तपासण्यात आले. पोलिसांनी सांगितले की, 15 नोव्हेंबर रोजी दिल्ली पोलिसांना नाल्याजवळ एका कचऱ्यात महिलेचा मृतदेह पडल्याची माहिती मिळाली होती.
पोलिसांनी महिलेचा मृतदेह शवविच्छेदनासाठी पाठवून घटनेचा तपास सुरू केला होता. तपासादरम्यान पोलिसांनी आरोपी अल्पवयीन मुलाला खुनाच्या आरोपाखाली अटक केली.
नंतर चौकशीत आरोपीने पोलिसांना सांगितले की, त्याने महिलेवर बलात्कार केला. पकडले जाण्याच्या भीतीने त्याने तिचा गळा दाबून खून केला आणि पुरावा नष्ट करण्यासाठी तिच्या प्रायव्हेट पार्टला आग लावली. आता पोलिसांनी एफआयआर दाखल केला आहे. बलात्काराची कलमेही जोडण्यात आली आहेत.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
