अहमदनगर Live24 टीम, 23 डिसेंबर 2020 :-गेल्या अनेक महिन्यांपासून देशात कोरोनाचे संकट कायम आहे. यामुळे यंदाच्या वर्षी अनेक सण उत्सवावर विरजण पडले आहे. यंदाच्या वर्षी सणोत्सव अत्यंत साध्या पद्धतीने साजरा करण्याचे आवाहन प्रशासनाच्या वतीने करण्यात आले आहे.
दरम्यान येणाऱ्या नाताळच्या पार्श्ववभूमीवर नवीन नियमावली जाहीर करण्यात आली आहे. कोरोनाचा नवा व्हायरस अधिक वेगाने पसरत असल्याची माहिती पुढे आल्यानंतर संपूर्ण जगात काळजी घेतली जात आहे.
अनेक देशांनी यूकेमधून येणाऱ्या विमानांवर बंदी घातली आहे. भारताने ही काळजी म्हणून विमानांवर बंदी घातली आहे. ख्रिसमसमध्ये कोरोनाचा संसर्ग वाढू नये म्हणून सरकारने नवी नियमावली ही जाहीर केली आहे. याआधी राज्य सरकारने नाईट कर्फ्यू लागू केले होते.
काय आहे नवी नियमावली
- चर्चेमध्ये एकावेळी केवळ ५० जण प्रार्थनेसाठी उपस्थित राहू शकतात.
- चर्चेमध्ये मास्क घालणे, सॅनिटायझरचा वापर करणे बंधनकारक
- प्रार्थनेपूर्वी चर्चचे निर्जंतुकीकरण करणे आवश्यक
- चर्चेमध्ये स्तुतीगीत गाण्यासाठी एका वेळी १० गायकांना उपस्थित राहण्यास परवानगी
- चर्चेच्या बाहेर दुकाने, स्टॉल लावण्यास मनाई
- सार्वजनिक ठिकाणी अथवा रस्त्यावर गर्दी करणे टाळावे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved