UPI Payment : आज अनेकजण घरी बसून UPI च्या मदतीने हजारो रुपयांचे व्यवहार करत आहे. शॉपिंगसाठी किंवा इतर कामासाठी मोठ्या प्रमाणांत ऑनलाइन पेमेंटचा वापर होताना दिसत आहे. मात्र कधी कधी काही चुकांमुळे ऑनलाइन व्यवहार पूर्ण होत नाही आणि UPI पेमेंट अडकून पडतं यामुळे ग्राहकांना अनेक अडचणींना तोंड द्यावे लागते.
यामुळे तुम्ही UPI पेमेंट अडकण्याची कोणती कारणे आहेत हे समजून घेणे फार महत्वाचे आहे. यामुळे आज या लेखात आम्ही तुम्हाला त्या 5 कारणांबद्दल माहिती देणार आहोत ज्या UPI पेमेंट करताना लक्षात ठेवल्या पाहिजेत. नाहीतर तुम्हाला अडचणींना सामोरे जावे लागू शकते. चला मग जाणून घेऊया संपूर्ण माहिती.
UPI दैनिक मर्यादा सेट करा
बहुतांश बँका आणि पेमेंट गेटवेने एक दिवसाच्या UPI पेमेंटची मर्यादा निश्चित केली आहे. NPCI मार्गदर्शक तत्त्वांनुसार, UPI पेमेंटद्वारे एका दिवसात जास्तीत जास्त 1 लाख रुपये हस्तांतरित केले जाऊ शकतात. अशा परिस्थितीत, जर तुमची मर्यादा ओलांडली असेल, तर तुम्ही UPI पेमेंट करू शकणार नाही. पेमेंटसाठी तुम्हाला 24 तास पूर्ण होण्याची वाट पाहावी लागेल.
UPI आयडी एकापेक्षा जास्त खात्यांशी लिंक करा
तुमच्या UPI आयडीमध्ये एकापेक्षा जास्त अकाउंट लिंक असल्यास तुम्हाला पेमेंट करण्यात कोणतीही अडचण येणार नाही. एका बँकेचा सर्व्हर डाउन असेल तर तुम्ही दुसऱ्या बँकेच्या खात्यातून पेमेंट करू शकता. यामुळे पेमेंट फेल होण्याची समस्या संपते.
तपशील तपासा
जेव्हा तुम्ही एखाद्याला पैसे पाठवता तेव्हा तुम्ही ज्या व्यक्तीला पैसे ट्रान्सफर करत आहात त्या व्यक्तीचे तपशील तपासा. जर तपशील चुकीचा असेल तर पेमेंट फेल होईल. या प्रकरणात नेहमी तपशील तपासल्यानंतर पेमेंट करत जा.
योग्य UPI पिन टाका
आमच्याकडे अनेक पासवर्ड आहेत. अशा परिस्थितीत प्रत्येकाला लक्षात ठेवणे कठीण होते. अनेक वेळा लोक UPI पिन विसरतात आणि व्यवहार अयशस्वी होतो. पासवर्ड विसरल्यानंतर UPI पिन रीसेट करणे चांगले आहे. अशा परिस्थितीत, जर तुमच्यासोबत असे घडले असेल आणि तुम्ही UPI पिन विसरला असाल, तर तुम्ही तो रीसेट करू शकता. तुम्ही Forget UPI PIN वर टॅप करून ते बदलू शकता.
इंटरनेट कनेक्शन तपासा
नेटवर्क कनेक्शन हे UPI पेमेंट अडकण्याचे एक प्रमुख कारण आहे. जर इंटरनेट कनेक्शन योग्य नसेल तर तुम्ही पेमेंट करू शकत नाही. स्थिर इंटरनेट कनेक्शन उपलब्ध होईपर्यंत पेमेंट करू नका.
हे पण वाचा :- तुम्ही Ludo King आणि Subway Surfers गेम खेळता का? तर ‘ही’ बातमी वाचाच , नाहीतर होणार ..
