Weather Update : सध्या देशाची राजधानी दिल्लीसह काही राज्यात उष्णतेचा परिणाम दिसून येत आहे तर महाराष्ट्रासह काही राज्यात मुसळधार पाऊस सुरु आहे. यातच आता पुन्हा एकदा हवामान विभागाने देशातील काही राज्यांमध्ये रविवारी उष्णतेची लाट येण्याची शक्यता वर्तवली आहे तर पुन्हा एकदा काही राज्यांमध्ये मुसळधार पावसाची शक्यता आहे.
18-19 एप्रिल दरम्यान हवामान बदलेल
हवामान केंद्राचे शास्त्रज्ञ डॉ. सोमा सेन रॉय यांनी सांगितले की, आणखी एक वेस्टर्न डिस्टर्बन्स येत आहे. त्याचा परिणाम लवकरच दिसून येईल. त्यामुळे डोंगराळ भागात मुसळधार पाऊस पडण्याची शक्यता असल्याचे त्यांनी सांगितले. याशिवाय 18-19 एप्रिलपर्यंत मैदानी भागात पाऊस पडू शकतो. पावसानंतर तापमानात किंचित घट होईल. अशा परिस्थितीत पुन्हा एकदा हवामानात बदल होणार आहे. डॉ. रॉय म्हणाले की, वेस्टर्न डिस्टर्बन्सचा वेग अजूनही थोडा संथ आहे, त्यामुळे त्याचा परिणाम दिसत नाही. एक-दोन दिवसांनी तापमान कमी होण्यास सुरुवात होईल.
परिणाम मध्य भारतात परिणाम दिसून येईल
महाराष्ट्रासह उत्तर कर्नाटकातही जोरदार पाऊस झाला आहे. अनेक ठिकाणी गारपीट झाली आहे. आज मध्य प्रदेश, छत्तीसगड, ओडिशा आणि महाराष्ट्रामध्ये पावसाची शक्यता आहे. या राज्यांमध्ये शनिवारसाठी यलो अलर्ट जारी करण्यात आला आहे.
त्याचबरोबर डोंगराळ भागात सलग पाच दिवस पाऊस पडण्याची शक्यता आहे. त्याच वेळी, वायव्य भारताच्या मैदानी भागात पावसाची आणि गडगडाटाची नवीन फेरी दिसेल. शनिवार आणि रविवारी हरियाणा, पंजाब आणि पश्चिम उत्तर प्रदेशात उष्णतेच्या लाटेचा अंदाज आहे. या राज्यांमध्ये तापमान वाढत आहे. पारा चाळीशीच्या पुढे गेला आहे.
काय आहे हवामान खात्याचा अंदाज
#WATCH एक और पश्चिमी विक्षोभ आ रही है, जिसका असर रहेगा। पहाड़ी क्षेत्रों में भारी बारिश की संभावना है, मैदानी इलाकों में भी 18-19 तक बारिश हो सकती है। आज दिल्ली और आसपास के क्षेत्रों में हीट वेव की संभावना है। उसके बाद से तापमान में थोड़ी कमी आएगी। मौसम में दोबारा बदलाव होगा:… pic.twitter.com/5fkKEiFqTO
— ANI_HindiNews (@AHindinews) April 15, 2023
