AAI Recruitment 2025 | एअरपोर्ट्स अ‍ॅथॉरिटी ऑफ इंडिया (AAI) ने 2025 साली ‘ज्युनियर एक्झिक्युटिव्ह – एअर ट्रॅफिक कंट्रोल’ पदासाठी मोठ्या प्रमाणावर थेट भरती जाहीर केली आहे. या भरतीमध्ये एकूण 309 पदांसाठी अर्ज मागवले जात आहेत. इच्छुक उमेदवार 25 एप्रिल 2025 ते 24 मे 2025 या कालावधीत ऑनलाइन अर्ज करू शकतात. भारतीय नागरिकांसाठी ही मोठी सुवर्णसंधी आहे.
एकूण पदे-
रिक्त पदांची संख्या 309 आहे, त्यात 125 जागा खुल्या प्रवर्गासाठी, 72 OBC (इमाव) प्रवर्गासाठी, 55 SC (अजा) प्रवर्गासाठी, 27 ST (अज) प्रवर्गासाठी, 30 EWS प्रवर्गासाठी आणि 7 दिव्यांग कॅटेगरी-सी (AAV) साठी राखीव आहेत. उमेदवारांना या पदांसाठी B.Sc. (Physics आणि Mathematics) किंवा कोणत्याही शाखेतील इंजिनीअरिंग पदवी असावी लागेल. पदवीत Physics आणि Mathematics या दोन विषयांचा अभ्यास असणे आवश्यक आहे.
वयोमर्यादा आणि अर्जशुल्क
या भरतीसाठी वयोमर्यादेचे नियम आहेत. 24 मे 2025 रोजी उमेदवारांची वयोमर्यादा 27 वर्षे असावी लागेल. इमाव (OBC) प्रवर्गातील उमेदवारांना 3 वर्षांची सूट दिली जाईल, SC/ST प्रवर्गातील उमेदवारांना 5 वर्षांची सूट मिळेल, तर दिव्यांग उमेदवारांना 10 वर्षांची सूट मिळेल.
वेतनमानाचे आकर्षक प्रमाण असून, ज्युनियर एक्झिक्युटिव्ह (ग्रुप-बी: A1 लेव्हल) या पदासाठी वेतन ₹40,000 ते ₹1,40,000 दरम्यान असू शकते. याशिवाय, अंदाजे वार्षिक CTC ₹13 लाख असू शकतो. निवड प्रक्रिया कॉम्प्युटर बेस्ड टेस्ट (CBT) द्वारे पार पडेल. या परीक्षेचा अभ्यासक्रम आणि इतर तपशील AAI च्या अधिकृत वेबसाइटवर जाहीर केले जातील.
अर्ज शुल्क सामान्य, OBC आणि EWS प्रवर्गातील उमेदवारांसाठी ₹1,000 आहे. SC, ST, महिला, दिव्यांग आणि AAI मध्ये अ‍ॅप्रेंटिसशिप केलेल्या उमेदवारांसाठी अर्ज शुल्क माफ करण्यात आले आहे. अर्ज करण्यासाठी उमेदवारांना त्यांच्या फोटो आणि स्वाक्षरीसह आवश्यक कागदपत्रे स्कॅन करून अपलोड करावी लागतील.
अर्ज 25 एप्रिल 2025 पासून सुरु होईल आणि 24 मे 2025 पर्यंत स्वीकारले जातील. अर्ज www.aai.aero या वेबसाइटवर जाऊन ‘Careers’ टॅबद्वारे करता येईल.
