PMC Recruitment 2025 : पुणे महानगरपालिकेत नोकरीच्या संधीच्या प्रतीक्षेत असलेल्या उमेदवारांसाठी महत्त्वाची बातमी समोर आली आहे. पुणे महापालिकेच्या भारतरत्न अटलबिहारी वाजपेयी वैद्यकीय महाविद्यालय आणि रुग्णालयात विविध पदांसाठी भरती प्रक्रिया सुरू झाली आहे. महापालिकेच्या आरोग्य विभागात रिक्त असलेल्या प्राध्यापक, सहयोगी प्राध्यापक, सहायक प्राध्यापक, वरिष्ठ निवासी आणि कनिष्ठ निवासी या पदांसाठी भरती केली जाणार आहे. एकूण ५० रिक्त जागांसाठी ही भरती होत असून, इच्छुक उमेदवारांना २० फेब्रुवारी २०२५ रोजी होणाऱ्या मुलाखतीसाठी हजर राहावे लागणार आहे.
महानगरपालिकेच्या या भरती प्रक्रियेसाठी उमेदवारांची शैक्षणिक पात्रता MD, MS, DNB किंवा MBBS असणे आवश्यक आहे. प्राध्यापक, सहयोगी प्राध्यापक आणि सहायक प्राध्यापक पदांसाठी MD/MS/DNB ही पात्रता अनिवार्य आहे, तर कनिष्ठ निवासी पदासाठी MBBS आवश्यक आहे. उमेदवारांच्या वयोमर्यादेबाबतही ठराविक मर्यादा आहेत.
खुल्या प्रवर्गातील उमेदवारांसाठी प्राध्यापक पदासाठी ५० वर्षे, सहयोगी प्राध्यापकासाठी ४५ वर्षे, सहायक प्राध्यापकासाठी ४० वर्षे, वरिष्ठ निवासीसाठी ३८ वर्षे आणि कनिष्ठ निवासीसाठी ३८ वर्षे वयोमर्यादा निश्चित करण्यात आली आहे. मागासवर्गीय उमेदवारांसाठी ही मर्यादा पाच वर्षांनी वाढविण्यात आली आहे.
या भरती प्रक्रियेसाठी मुलाखतीतून निवड केली जाणार असून, पुणे महानगरपालिकेच्या भारतरत्न अटलबिहारी वाजपेयी वैद्यकीय महाविद्यालय आणि रुग्णालय, मंगळवार पेठ, पुणे – ४११०११० येथे प्रत्यक्ष मुलाखती घेण्यात येणार आहेत. उमेदवारांना कोणत्याही ऑनलाइन प्रक्रियेत सहभागी व्हायचे नसून, त्यांनी थेट मुलाखतीसाठी आवश्यक कागदपत्रांसह उपस्थित राहावे लागेल. पुणे महापालिकेच्या अधिकृत संकेतस्थळावर भरतीविषयी सविस्तर माहिती उपलब्ध आहे.
निवड झालेल्या उमेदवारांना आकर्षक वेतनमान देण्यात येणार आहे. प्राध्यापक पदासाठी मासिक वेतन १ लाख ८५ हजार रुपये, सहयोगी प्राध्यापकासाठी १ लाख ७० हजार रुपये, सहायक प्राध्यापकासाठी १ लाख रुपये, वरिष्ठ निवासीसाठी ८० हजार २५० रुपये आणि कनिष्ठ निवासीसाठी ६४ हजार ५५१ रुपये इतका पगार निश्चित करण्यात आला आहे. या भरती प्रक्रियेमुळे वैद्यकीय क्षेत्रातील उमेदवारांना स्थिर आणि प्रतिष्ठेची नोकरी मिळण्याची संधी आहे.
महानगरपालिकेच्या आरोग्य विभागात नोकरी मिळविण्याची ही सुवर्णसंधी असल्यामुळे इच्छुक उमेदवारांनी २० फेब्रुवारी रोजी होणाऱ्या मुलाखतीसाठी उपस्थित राहावे. या संधीचा लाभ घेण्यासाठी आवश्यक शैक्षणिक पात्रता आणि वयोमर्यादा पूर्ण करणाऱ्या उमेदवारांनी आपल्या कागदपत्रांसह ठरलेल्या ठिकाणी हजर राहणे गरजेचे आहे. पुणे महानगरपालिकेच्या अधिकृत संकेतस्थळावर जाऊन अधिक माहिती घेणे आवश्यक आहे.
पुणे महानगरपालिकेतील ही भरती प्रक्रिया वैद्यकीय क्षेत्रातील पात्र उमेदवारांसाठी मोठ्या संधीचे दार उघडणार आहे. उच्च वेतनमान, स्थिर नोकरी आणि पुण्यासारख्या मोठ्या शहरात काम करण्याची संधी या भरतीमधून मिळणार आहे.
अर्ज करण्यासाठी पुढील लिंकवर क्लिक करा https://www.pmc.gov.in/en?main=english
