IMD Alert : आज दिल्ली-एनसीआरसह (Delhi-NCR) अनेक भागात पहाटेपासून पाऊस पडत आहे. त्यामुळे नागरिकांना उन्हापासून दिलासा मिळाला आहे. विशेष म्हणजे, गेल्या दोन-तीन दिवसांपासून सायंकाळी मेघगर्जनेसह पाऊस (Rain) पडत होता.
मात्र सोमवारी सकाळी अचानक आकाशात काळे ढग जमा झाले आणि पावसाला सुरुवात झाली. हवामान खात्याने (IMD) आधीच जोरदार वाऱ्यासह पावसाचा अंदाज वर्तवला होता.
हवामान खात्याने दिल्ली आणि एनसीआरसाठी ऑरेंज अलर्ट (Orange alert) जारी केला होता. ज्यामध्ये वेस्टर्न डिस्टर्बन्समुळे (Western Disturbances) ५० ते ६० किमी प्रतितास वेगाने हलक्या पावसाची शक्यता वर्तवण्यात आली होती. या पावसाचा विमानांच्या कामकाजावरही परिणाम झाला. खराब हवामानामुळे दिल्ली विमानतळावरील विमानसेवाही प्रभावित झाली.
यासोबतच उत्तर प्रदेशातील अनेक भागांमध्ये उष्णतेपासून लोकांना दिलासा मिळाला आहे. उत्तर प्रदेशातील अनेक भागात मान्सूनपूर्व पाऊस पडत आहे. या भागात २४ मेपर्यंत पावसाचा अंदाज हवामान खात्याने वर्तवला आहे. IMD ने मेघगर्जनेसह पाऊस पडण्याची शक्यता वर्तवली आहे.
त्याचवेळी, हवामान खात्याने (weather department) बिहारमधील अनेक भागात पुढील दोन दिवस वादळी वाऱ्यासह वादळाचा इशारा दिला आहे. हवामान खात्याच्या म्हणण्यानुसार, याचे मुख्य कारण म्हणजे पूर्व-पश्चिम ट्रफ लाइन पास होणे. त्यामुळे बिहार चक्रीवादळाच्या (Hurricane) दाबाचे केंद्र राहिले आहे.
हवामान खात्याने मध्य प्रदेशातील अनेक जिल्ह्यांमध्ये पाऊस आणि वादळाचा पिवळा इशाराही जारी केला आहे. एका अंदाजानुसार २४ आणि २५ मे रोजी कमाल तापमानात ३ ते ४ अंशांनी घट होण्याची शक्यता आहे. हवामान खात्याने दिलेल्या माहितीनुसार, आज राज्यात अनेक ठिकाणी मुसळधार पाऊस पडण्याची शक्यता आहे.
यासोबतच आज किनारपट्टी आणि दक्षिण कर्नाटक आणि केरळमध्ये मुसळधार पावसाची शक्यता आहे. मात्र, आजनंतर या भागात कमी पाऊस पडण्याची शक्यता आहे. त्याचवेळी पुढील दोन दिवस अरुणाचल प्रदेश आणि आसाम, मेघालय, बंगाल आणि सिक्कीममध्ये पावसाचा अंदाज वर्तवण्यात आला आहे.
