PM Kisan : जर तुम्हीही पीएम किसान सन्मान निधी योजनेचे लाभार्थी असाल तर ही बातमी खास तुमच्यासाठी आहे. कारण सरकार केंद्रीय अर्थसंकल्प 2023 मध्ये या योजनेंतर्गत शेतकऱ्यांना वार्षिक आर्थिक मदतीच्या रकमेत वाढ करण्याची घोषणा करू शकते.
मिळालेल्या माहितीनुसार अहवालात असे म्हटले जात आहे की वार्षिक मदतीची रक्कम चार हप्त्यांमध्ये 8,000 रुपये केली जाऊ शकते. सध्या, पीएम-किसान योजनेंतर्गत, सर्व जमीनधारक शेतकऱ्यांच्या कुटुंबांना प्रति वर्ष 6,000 रुपयांचा आर्थिक लाभ दिला जातो, जो प्रत्येकी 2,000 रुपयांच्या तीन समान हप्त्यांमध्ये दिले जातात.
पुढचा हप्ता कधी येईल?
जानेवारीच्या शेवटच्या आठवड्यात सरकार शेतकऱ्यांच्या खात्यात पुढील हफ्ता सोडेल असा अंदाज आहे. मात्र, याबाबत सरकारकडून कोणतीही अधिकृत घोषणा करण्यात आलेली नाही. तुम्हालाही या योजनेचा लाभ घ्यायचा असेल, तर नोंदणी करावी लागेल.
यासोबतच तुमचे आधार कार्ड बँक खात्याशी लिंक करावे, अशीही अट आहे. नोंदणीसाठी, शेतकऱ्यांना त्यांच्या रेशनकार्डचे तपशील अपलोड करावे लागतील आणि इतर आवश्यक कागदपत्रांच्या सॉफ्ट कॉपी जमा कराव्या लागतील.
अशा प्रकारे तुम्ही नोंदणी करू शकता
तुम्हाला सर्वप्रथम पीएम किसानच्या अधिकृत वेबसाइटवर जावे लागेल.
आता फार्मर्स कॉर्नरवर जा.
येथे तुम्ही ‘नवीन शेतकरी नोंदणी’ या पर्यायावर क्लिक करा.
यानंतर आधार क्रमांक टाकावा लागेल.
यासोबतच कॅप्चा कोड टाकून राज्याची निवड करावी लागेल आणि त्यानंतर प्रक्रिया पुढे जावी लागेल.
या फॉर्ममध्ये तुम्हाला तुमची संपूर्ण वैयक्तिक माहिती भरावी लागेल.
यासोबतच बँक खात्याचा तपशील आणि शेतीशी संबंधित माहिती भरावी लागणार आहे.
यानंतर तुम्ही फॉर्म सबमिट करू शकता.
ई-केवायसी दोन प्रकारे करा
ज्या शेतकऱ्यांनी अद्याप ई-केवायसी केलेले नाही, ते शेतकरी पीएम किसानसाठी दोन प्रकारे ई-केवायसी पूर्ण करू शकतात. हे काम पीएम किसानच्या अधिकृत वेबसाइटद्वारे घरी बसून ऑनलाइन केले जाऊ शकते.
याशिवाय जवळच्या कॉमन सर्व्हिस सेंटरला (CSC) भेट देऊनही शेतकरी त्यांचे ई-केवायसी करू शकतात. जर शेतकऱ्याने स्वत: OTP द्वारे ई-केवायसी केले तर तुम्हाला कोणतेही पैसे द्यावे लागणार नाहीत, तर जर त्याने कॉमन सर्व्हिस सेंटरमध्ये जाऊन ई-केवायसी केले तर त्याला त्यासाठी काही रुपये खर्च करावे लागतील.
ई-केवायसी ऑनलाइन मोफत कसे करावे?
सर्वप्रथम पीएम किसान वेबसाइट https://pmkisan.gov.in/ वर जा.
त्यानंतर ‘Farmers Corner’ खाली लिहिलेल्या e-KYC टॅबवर क्लिक करा.
जे पेज उघडेल त्यावर आधार क्रमांकाची माहिती द्या आणि सर्च टॅबवर क्लिक करा.
यानंतर तुमच्या नोंदणीकृत मोबाईल नंबरवर OTP येईल.
त्यानंतर सबमिट OTP वर क्लिक करा आणि OTP टाकून सबमिट करा.
तुमची eKYC प्रक्रिया पूर्ण झाली आहे.
