PM Kisan Mandhan Yojana: तरुण, विद्यार्थी, विधवा, वृद्ध आणि इतरांसाठी सरकारकडून (government) अनेक प्रकारच्या फायद्याच्या आणि कल्याणकारी योजना राबवल्या जातात. या योजनांचा उद्देश गरजू लोकांपर्यंत पोहोचणे हा आहे.
तसेच देशातील शेतकऱ्यांसाठी केंद्र व राज्य सरकारकडून अनेक योजना राबविल्या जात आहेत. त्याचबरोबर केंद्र सरकार शेतकऱ्यांसाठी प्रधानमंत्री किसान सन्मान निधी (PM Kisan Samman Nidhi) योजनाही राबवत आहे.
या योजनेंतर्गत प्राप्त होणारा 11वा हप्ता नुकताच जारी करण्यात आला, ज्यामध्ये पात्र शेतकऱ्यांच्या बँक खात्यावर 2 हजार रुपये पाठविण्यात आले. पण यानंतर तुम्हाला दरमहा 3 हजार रुपये मिळतील अशी तुमची इच्छा आहे का? जर होय, तर एक शेतकरी म्हणून तुम्ही ते कसे मिळवू शकता ते आम्ही तुम्हाला सांगू.
काय योजना आहे?
तुम्हाला दरमहा 3 हजार रुपये हवे असतील तर ते फक्त प्रधानमंत्री किसान मानधन योजनेअंतर्गतच (PM Kisan Mandhan Yojana) करता येतील. या योजनेंतर्गत वृद्ध शेतकऱ्यांना वार्षिक 36 हजार म्हणजे दरमहा 3 हजार रुपये पेन्शन देण्याची तरतूद आहे.
तुम्हाला फायदे कसे मिळू शकतात?
या योजनेचा लाभ घेण्यासाठी तुमचे वय 18 ते 40 वर्षे असणे आवश्यक आहे.
या योजनेत तुम्हाला काही पैसे जमा करावे लागतील. पेन्शन फंडात दरमहा 55 ते 200 रुपये जमा करावे लागतील आणि तुमचे वय 60 वर्षांपेक्षा जास्त असेल तेव्हा दरमहा तुम्हाला 3 हजार रुपये पेन्शन म्हणून मिळू लागतात.
जर तुम्ही 18 ते 29 वर्षांच्या दरम्यान गुंतवणूक केली तर तुम्हाला 55 ते 109 रुपये दरम्यान हप्ता जमा करावा लागेल.
तर 30 ते 39 वर्षांसाठी 110 ते 199 रुपये आणि 40 वर्षांसाठी 200 रुपये दरमहा हप्ता जमा करावा लागतो.
तुम्ही या योजनेत सहभागी होऊ शकता
तुम्हाला या प्रधानमंत्री किसान मानधन योजनेसाठी अर्ज करायचा असेल, तर तुम्ही ऑफलाइन (नजीकच्या कॉमन सर्व्हिस सेंटर म्हणजेच CSC) आणि ऑनलाइन (अधिकृत वेबसाइट https://maandhan.in/) वर जाऊन नोंदणी करू शकता.
