7th Pay Commission : केंद्रीय कर्मचारी (Central Staff) बऱ्याच दिवसांपासून महागाई भत्त्याची (DA) आतुरतेने वाट पाहत आहेत. अशातच यावर केंद्र सरकारने (Central Govt) एक अपडेट जारी केले आहे.
त्यानुसार केंद्रीय कर्मचाऱ्यांच्या महागाई भत्त्यात कोणतीही वाढ होणार नसल्याचे स्पष्ट केले आहे. सरकारच्या (Govt) या निर्णयामुळे कर्मचाऱ्यांना मोठा झटका बसला आहे.
केंद्रीय कर्मचाऱ्यांना मोठा झटका
गेल्या काही काळापासून असे अनेक अहवाल समोर येत होते, ज्यामध्ये केंद्र सरकार लवकरच महागाई भत्त्यात 4 टक्क्यांनी वाढ करणार असल्याचा दावा केला जात होता. याबाबत केंद्र सरकारने नुकतेच एक निवेदन (statement) जारी केले आहे.
ज्यात म्हटले आहे की, ज्या परिपत्रकात महागाई भत्त्यात 4 टक्क्यांनी वाढ होणार असल्याचा दावा केला जात आहे, ते खोटे आहे. महागाई भत्त्यात वाढ करण्याबाबत अद्याप कोणताही प्रस्ताव मंजूर झालेला नाही, असेही सरकारने आपल्या निवेदनात स्पष्ट केले आहे.
सरकारने महागाई भत्त्याबाबत ही माहिती दिली आहे
नुकतेच, केंद्र सरकारने सोशल मीडिया (Social media) प्लॅटफॉर्मवर प्रसारित केलेल्या परिपत्रकाबद्दल स्पष्टीकरण दिले आहे की ते भारत सरकारचे नसून ते पूर्णपणे बनावट आहे. यासोबतच महागाई भत्त्याबाबतचा कोणताही प्रस्ताव अद्याप मंजूर झालेला नसल्याचा दावाही सरकारने केला आहे.
सध्या कर्मचाऱ्यांना इतका डीए मिळत आहे
केंद्रीय कर्मचाऱ्यांना मिळणाऱ्या महागाई भत्त्याचे मूल्यमापन केंद्र सरकार दरवर्षी दोनदा करते आणि आवश्यकतेनुसार त्यात वाढ केली जाते.
महागाई भत्त्यात वाढ अखिल भारतीय ग्राहक किंमत निर्देशांकावर (AICPI) अवलंबून असते. एआयसीपीआय निर्देशांकात वाढ झाल्यास, महागाई भत्ताही वाढवला जातो.
सध्या केंद्रीय कर्मचाऱ्यांना 34 टक्के दराने महागाई भत्ता दिला जात आहे. केंद्र सरकारच्या नुकत्याच आलेल्या अपडेटनुसार यामध्ये सध्या कोणतीही वाढ केली जात नाही.
