Business Idea : कमी वेळेत आणि कमी गुंतवणुकीत अनेकांना प्रचंड नफा देणारा व्यवसाय सुरु करायचा असतो. परंतु अनेकांना कोणता व्यवसाय सुरु करावा ते समजत नाही. जर तुम्हीही व्यवसाय सुरु करण्याच्या तयारीत असाल तर इकडे लक्ष द्या.
एक असा व्यवसाय आहे ज्यात तुम्हाला फक्त 10 हजार रुपयांची गुंतवणूक करावी लागणार आहे. जो तुम्हाला प्रत्येक महिन्याला 40 ते 50 हजार रुपयांची सहज कमाई करून देईल. संपूर्ण वर्षभर या व्यवसायाला मागणी असते. जाणून घेऊयात याबद्दल सविस्तर माहिती.
हा व्यवसाय सुरु करून तुम्ही प्रत्येक महिन्याला 40 ते 50 हजार रुपयांची सहज कमाई करू शकता. केंद्र सरकारने 2020 मध्ये नवीन मोटार वाहन कायदा लागू केला होता. या वाहन कायद्यात वाहनांची प्रदूषण पातळी तपासण्यावर भर दिला आहे. नवीन कायदा लागू झाल्यापासून प्रदूषण चाचणी केंद्रांची मागणी खूप वाढली आहे. हा व्यवसाय तुमच्यासाठी उत्तम रोजगार पर्याय ठरू शकतो.
मोटार कायद्यांतर्गत वाहनांकडे प्रदूषण प्रमाणपत्र नसेल तर मोठा दंड आकारण्यात येतो. नवीन कायद्यानंतर प्रत्येक लहान-मोठ्या वाहनाची सतत प्रदूषण चाचणी करून त्याचे प्रमाणपत्र सोबत ठेवणे बंधनकारक केले आहे. वाहतूक पोलिसांच्या तपासणीच्या वेळी वाहनचालकाकडे वाहनाचे अद्ययावत प्रदूषण प्रमाणपत्र नसेल तर त्याला 10 हजार रुपयांपर्यंत दंड भरावा लागेल. जड आणि सामान्य वाहनांना प्रदूषण प्रमाणपत्र नसल्याबद्दल स्वतंत्र दंड निश्चित केला आहे.
असे सुरु करा केंद्र
- हा व्यवसाय सुरू करण्यासाठी, तुम्हाला काही प्रक्रियेतून जावे लागणार आहे.
- सर्वात अगोदर तुम्हाला प्रादेशिक परिवहन कार्यालयात (आरटीओ) परवान्यासाठी अर्ज करावा लागणार आहे.
- यानंतर तुम्हाला स्थानिक प्राधिकरणाकडून ना हरकत प्रमाणपत्र (एनओसी) घ्यावे लागेल.
- प्रदूषण चाचणी केंद्रासाठी अर्ज पूर्ण करण्यासाठी, त्या अर्जदाराला 10,000 रुपयांचे प्रतिज्ञापत्र तयार करून ते परिवहन कार्यालयात जमा करावे लागणार आहे.
- पेट्रोल पंप किंवा कार गॅरेजजवळ ते उघडले तर जास्त ग्राहक त्या ठिकाणी येतील.
कमाई
- हे लक्षात घ्या की प्रदूषण चाचणी केंद्राची कमाई पूर्णपणे ठिकाणावर अवलंबून असते.
- समजा तुमचे चाचणी केंद्र मोठ्या शहराच्या मुख्य महामार्गावर असेल तर कमाई उत्तम तुम्हाला करता येईल.
- 10 हजार रुपये गुंतवल्यानंतर योग्य ठिकाणी केंद्र सुरू केले तर प्रत्येक महिन्याला 40 ते 50 हजार रुपये कमावता येतात.
- प्रदूषण चाचणी केंद्राच्या नियमांनुसार, तुम्हाला ते पिवळ्या रंगाच्या केबिनमध्ये उघडावे लागणार आहे.
- हे लक्षात घ्या की पिवळ्या रंगाची केबिन ही प्रदूषण चाचणी केंद्राची ओळख आहे.
- तुम्हाला केबिनच्या आकारासाठी राज्य परिवहन विभागाच्या मानकांचे पालन करावे लागणार आहे.
