अहमदनगर Live24 टीम, 28 फेब्रुवारी 2022 :- Apple कडून लवकरच iPhone SE3 स्मार्टफोन लॉन्च करणार आहे. समोर आलेल्या माहितीनुसार मार्च २०२२ मध्ये Apple कंपनीकडून याचं लॉन्चिंग करण्याची दाट शक्यता आहे.
सर्वात स्वस्त आणि मस्त स्मार्टफोन :- दरम्यान या फोनची किंमत जवळपास २२ हजार रुपये इतकी असण्याची शक्यता आहे. जर असं झालं तर नव्या iPhone SE 3 ची किंमत iPhone SE 2020 पेक्षाही कमी ठरेल.
त्यामुळे iPhone SE 3 हा आयफोनचा सर्वात स्वस्त आणि मस्त स्मार्टफोन ठरणार आहे. कंपनीनं या स्मार्टफोनमध्ये अत्याधुनिक प्रोसेसर, 5G सपोर्ट आणि चांगल्या क्षमतेची बॅटरी दिल्याचं बोललं जात आहे.
फिचर्स :- फोनमध्ये 4.7 इंचाची स्क्रिन असणार आहे. नव्या फोनमध्ये अद्ययावत A15 Bionic चिपसेट देण्यात येणार आहे. नवा आयफोन एसई-३ हा 4GB RAM आणि 256GB च्या स्टोरेजमध्ये उपलब्ध होऊ शकतो.
याआधीच्या SE मॉडेल प्रमाणेच याफोनमध्ये 12MP चा सिंगल रिअर कॅमेरा आणि 8MP सेल्फी कॅमेरा उपलब्ध करुन दिला जाऊ शकतो.
बॅटरीबाबत बोलायचं झालं तर iPhone SE 2020 मध्ये 1821mAh क्षमतेची बॅटची देण्यात आली होती. पण iPhone SE 3 मध्ये त्यापेक्षा अधिक क्षमतेची बॅटरी उपलब्ध करुन दिली जाऊ शकते.
