Dearness Allowance : 7 व्या वेतन आयोगाची (7th Pay Commission) शिफारस असताना कमी पगार मिळत असल्याच्या अनेक तक्रारी आहेत. लवकरच केंद्रीय कर्मचाऱ्यांच्या पगारवाढीच्या (Salary increase) संदर्भात केंद्र सरकार मोठा निर्णय घेण्याची शक्यता वर्तवली जात आहे.
लवकरच केंद्रीय कर्मचाऱ्यांचे (Central employees) पगारात वाढ केली जाणार आहे. डीए (DA) 4 टक्क्यांनी वाढणार असल्याचे जवळपास निश्चित झाले आहे.
महागाई भत्ता 4 टक्क्यांनी वाढू शकतो
मे महिन्यातील ग्राहक महागाईच्या (Inflation) आकडेवारीवरून केंद्र सरकारमधील (Central Government) सरकारी कर्मचाऱ्यांच्या महागाई भत्त्यात 4 टक्क्यांनी वाढ करण्याचा निर्णय घेण्यात आला आहे. मात्र, जून महिन्यातील ग्राहक महागाईची आकडेवारी येणे बाकी आहे.
त्याची आकडेवारी 31 जुलै रोजी जाहीर होणार आहे. त्यानंतर महागाई भत्त्यात एकूण किती वाढ होणार हे ठरवले जाईल. केंद्रीय कर्मचाऱ्यांचा महागाई भत्ता हा अखिल भारतीय ग्राहक मूल्य निर्देशांकाशी जोडलेला आहे.
जर हा आकडा सतत वाढत असेल तर त्यानुसार महागाई भत्ताही वाढवला जातो. पहिल्या सहामाहीत पाच महिन्यांची आकडेवारी जाहीर झाली आहे. जूनचे आकडे येणे बाकी आहे.
जूनमध्ये हा आकडा 130 वर पोहोचेल असा दावा तज्ज्ञ करत आहेत. त्यामुळे केंद्रीय कर्मचाऱ्यांच्या महागाई भत्त्यात 4 टक्के वाढ होण्याचा मार्ग मोकळा होणार आहे. मे महिन्यात अखिल भारतीय ग्राहक किंमत निर्देशांकाचा आकडा 129 अंकांवर होता. त्यामुळे आगामी काळात महागाई भत्त्यात 4 टक्के वाढ होणार हे निश्चित आहे.
DA इतका वाढेल
केंद्रीय कर्मचार्‍यांच्या महागाई भत्त्यात 4 टक्क्यांनी वाढ केल्यास त्यांचा डीए 38 टक्के होईल. सध्या केंद्रीय कर्मचाऱ्यांना 34 टक्के दराने डीए दिला जातो.
पगार खूप वाढेल
7 व्या वेतन आयोगाअंतर्गत किमान मूळ वेतन 18,000 रुपये पाहिल्यास 38 टक्के दराने वार्षिक महागाई भत्त्याची एकूण वाढ 6840 रुपये होईल. म्हणजेच सध्याच्या महागाई भत्त्याच्या तुलनेत दरमहा 720 रुपये वाढणार आहेत. एकूण, 18000 रुपये मूळ वेतन असलेल्या केंद्रीय कर्मचाऱ्यांना वर्षाला 8640 रुपये अधिक महागाई भत्ता मिळेल.
