SBI Banking services: तुमचे एसबीआयमध्ये बँक खाते आहे का? आता लक्षात ठेवा फक्त हा एक नंबर, ए टू झेड समस्येवर मिळेल उपाय….

SBI Banking services: जर तुमचे बँक खाते देशातील सर्वात मोठी बँक एसबीआय (SBI) मध्ये असेल तर ही बातमी तुमच्यासाठी नक्कीच आहे. स्टेट बँक ऑफ इंडियाने आपल्या ग्राहकांना फोनवरच सर्व बँकिंग सेवा (Banking services) देण्यासाठी टोल फ्री क्रमांक सुरू केला आहे. तुमच्या बँक खात्याशी संबंधित A ते Z समस्या या क्रमांकावर सोडवल्या जातील.

SBI संपर्क केंद्र सेवा –

SBI ने आपल्या ग्राहकांना 24×7 बँकिंग सेवा देण्यासाठी संपर्क केंद्र सेवा (Contact center service) सुरू केली आहे. यासाठी त्यांनी 1800 1234 आणि 1800 2100 हे लक्षात ठेवण्यास सोपे दोन क्रमांक सादर केले आहेत.

या नंबरवर कॉल करून, तुम्ही तुमच्या SBI खात्याशी संबंधित समस्या कधीही आणि कुठेही सोडवू शकता. तुम्ही या क्रमांकांवर कॉल करून या बँकिंग सेवांचा लाभ घेऊ शकता…

या सेवा फोन नंबरवर उपलब्ध असतील –

या फोन नंबरवर कॉल करून तुम्ही तुमच्या बँक खात्यातील शिल्लक (Account balance) तपासणे, शेवटचे 5 व्यवहार, एटीएम कार्ड ब्लॉक करणे यासारख्या गोष्टी करू शकता. याशिवाय, एटीएम कार्ड (ATM card) ब्लॉक केल्यानंतर, तुम्ही नवीन कार्डसाठी विनंती देखील नोंदवू शकता.

एवढेच नाही तर या क्रमांकांवर तुम्ही एटीएम कार्डची डिस्पॅच स्टेटस, तसेच चेकबुक (Checkbook) ची डिस्पॅच स्थिती जाणून घेऊ शकता. याशिवाय टीडीएसशी संबंधित माहिती आणि व्याजाचे तपशीलही या क्रमांकांवर मिळू शकतात.

या सेवांव्यतिरिक्त, या नंबरवर कॉल करून, तुम्ही बँकिंगशी संबंधित जवळपास सर्व सेवांचा लाभ घेऊ शकता. सार्वजनिक क्षेत्रातील SBI ही देशातील सर्वात मोठी बँक आहे, तर जगातील टॉप-50 बँकांमध्ये तिचा समावेश आहे.

स्वातंत्र्यापूर्वी ते इंपीरियल बँक ऑफ इंडिया म्हणून ओळखले जात असे. भारताच्या बँकिंग क्षेत्रात SBI चा हिस्सा 23% पेक्षा जास्त आहे. त्याच्या देशभरात 22 हजारांहून अधिक शाखा आहेत, तर 62,000 हून अधिक एटीएम मशीनचे नेटवर्क आहे.