Driving license : कोणतेही वाहन चालवायचे असेल तर त्यासाठी ड्रायव्हिंग लायसन्स (DL) खूप महत्त्वाचे आहे. त्याचबरोबर आयडी प्रूफ (ID Proof) म्हणूनही ड्रायव्हिंग लायसन्सचा उपयोग केला जातो.
परंतु, अनेकांकडून हे ड्रायव्हिंग लायसन्सच हरवते (Lost) किंवा खराब होते. जर तुमचेही ड्रायव्हिंग लायसन्स हरवले किंवा खराब झाले असेल तर काळजी करू नका घरबसल्या तुम्हाला नवीन लायसन्स (New license) मिळवता येईल. कसे ते जाणून घ्या.
डुप्लिकेट परवान्यासाठी अर्ज करा
कायमस्वरूपी ड्रायव्हिंग लायसन्स (Permanent Driving License) गमावल्यानंतर तुम्ही डुप्लिकेट ड्रायव्हिंग लायसन्ससाठी (Duplicate Driving License) अर्ज करू शकता. तुम्ही तुमचा डुप्लिकेट परवाना ऑनलाइन आणि ऑफलाइन दोन्ही अर्ज केल्यावर मिळवू शकता.
ऑनलाइन प्रॉसेस
डुप्लिकेट ड्रायव्हिंग लायसन्स मिळविण्यासाठी, तुम्हाला प्रथम राज्य परिवहन विभागाच्या (State Transport Department) वेबसाइटवर जावे लागेल. यानंतर, येथे मागितलेले तपशील टाकून एलएलडी फॉर्म भरावा लागेल.
दुसऱ्या टप्प्यात, फॉर्म भरल्यानंतर, तुम्हाला त्याची प्रिंट काढावी लागेल. आता तुमची सर्व आवश्यक कागदपत्रे संलग्न करा. हे केल्यानंतर, आता तुम्हाला हा फॉर्म आणि तुमची कागदपत्रे आरटीओ कार्यालयात जमा करावी लागतील.
हे ऑनलाइन देखील सादर केले जाऊ शकतात. ड्रायव्हिंग लायसन्सची ऑनलाइन प्रक्रिया पूर्ण झाल्यानंतर 30 दिवसांनंतर, डुप्लिकेट ड्रायव्हिंग लायसन्स तुम्हाला पोस्टाद्वारे पाठवले जाईल.
ऑफलाइन प्रॉसेस
डुप्लिकेट ड्रायव्हिंग लायसन्स ऑफलाइन करण्यासाठी, तुम्हाला मूळ ड्रायव्हिंग लायसन्स जारी केलेल्या ठिकाणी जावे लागेल. येथे तुम्हाला एलएलडी फॉर्म घेऊन सबमिट करावा लागेल. या फॉर्मसह, तुम्हाला विहित शुल्क देखील भरावे लागेल. या पूर्ण प्रक्रियेनंतर, तुम्हाला डुप्लिकेट ड्रायव्हिंग लायसन्स तुमच्या पत्त्यावर पोस्टाद्वारे ३० दिवसांत मिळेल.
