Gold Price Today : तुम्हीही स्वस्त सोने खरेदी करण्याचा विचार करत असाल तर मोदी सरकार तुमच्यासाठी एक उत्तम ऑफर घेऊन आले आहे. त्यामुळे तुम्ही स्वस्तात सोने खरेदी करू शकता.
दरम्यान, रिझर्व्ह बँक ऑफ इंडिया (आरबीआय) कडून सरकारी गोल्ड बॉण्ड योजना पुन्हा सुरू होणार आहे. आरबीआय दोन टप्प्यात सरकारी सुवर्ण रोखे योजना जारी करेल. गुंतवणुकीची योजना डिसेंबर आणि मार्चमध्ये उघडली जाणार आहे.
19 ते 23 डिसेंबर दरम्यान गुंतवणूक करण्याची संधी आहे
अर्थ मंत्रालयाने जारी केलेल्या निवेदनात म्हटले आहे की, सरकारी गोल्ड बाँड (एसजीबी) योजना पहिल्या टप्प्यांतर्गत 19 ते 23 डिसेंबर दरम्यान खुली असेल. दुसऱ्या टप्प्यात 6 ते 10 मार्च या कालावधीत गुंतवणूकदारांना संधी मिळणार आहे.
RBI भारत सरकारच्या वतीने बाँड जारी करेल. स्मॉल फायनान्स बँका, पेमेंट बँका आणि प्रादेशिक ग्रामीण बँका वगळता स्टॉक होल्डिंग कॉर्पोरेशन ऑफ इंडिया लिमिटेड, क्लिअरिंग कॉर्पोरेशन ऑफ इंडिया लिमिटेड, निवडक पोस्ट ऑफिस आणि बीएसई आणि नॅशनल स्टॉक एक्स्चेंज मार्फत गोल्ड बाँड्सची विक्री केली जाईल.
4 किलो खरेदी मर्यादा
मंत्रालयाकडून सांगण्यात आले की गोल्ड बाँडचा कालावधी आठ वर्षांचा आहे. पाच वर्षांनंतर, व्याज भरण्याच्या तारखेला मुदतपूर्व पूर्तता करण्याची सुविधा असेल. गुंतवणूकदारांना सहामाही आधारावर वार्षिक 2.50 टक्के व्याज मिळते. एक गुंतवणूकदार जास्तीत जास्त 4 किलो पर्यंत खरेदी करू शकतो.
हिंदू अविभक्त कुटुंबासाठी (HUF) 4 किलो आणि संस्थांसाठी प्रति आर्थिक वर्ष 20 किलो. सोन्याची भौतिक मागणी कमी करण्याच्या उद्देशाने आणि गुंतवणुकीच्या उद्देशाने गोल्ड बाँड योजना नोव्हेंबर 2015 मध्ये प्रथम सुरू करण्यात आली. यानंतर या योजनेला गुंतवणूकदारांचा चांगला प्रतिसाद मिळत आहे.
