Railway free facility : जर तुम्हीही दररोज रेल्वेने प्रवास करत असाल तर तुमच्यासाठी एक आनंदाची बातमी आहे. कारण भारतीय रेल्वेने पुन्हा एकदा आपल्या प्रवाशांसाठी एक खास सुविधा सुरु केली आहे. प्रवाशांना याचा खूप फायदा होईल. भारतीय रेल्वे सर्व वर्ग तसेच सर्व प्रकारच्या प्रवाशांसाठी वेगवेगळ्या सुविधा उपलब्ध करते.
ज्याचा तुम्ही लाभ घेऊ शकता. तसेच रेल्वेकडून तिकिटांवर वेगवेगळ्या सवलती दिल्या जात आहेत. अशातच आता रेल्वेने आणखी एक सुविधा आणली आहे ज्यामुळे तुम्हाला रेल्वे स्थानकावर डब्यापर्यंत पोहोचण्यासाठी इलेक्ट्रिक कारने जात येणार आहे.
विशेष म्हणजे 2025 पर्यंत सर्व नवीन वाहनांमध्ये 10 टक्के योगदान देणार्‍या EV चा अवलंब करण्याच्या महाराष्ट्र सरकारच्या उद्दिष्टालाही या हालचालीमुळे पाठिंबा मिळू शकतो अशी अपेक्षा आहे.
काय आहे उद्देश
सीआरचे मुख्य जनसंपर्क अधिकारी शिवाजी सुतार माहिती दिली आहे. ते म्हणाले की, “शहरातील इतर कोणत्याही वाहतुकीच्या तुलनेत मध्य रेल्वे सर्वाधिक संख्येने मुंबईकरांना सेवा देते. मुंबईकर आमच्या सेवा निवडतात याचा आम्हाला अभिमान आहे. कारण या शहरात फिरण्याचा सर्वात स्वस्त आणि जलद मार्ग आहे. अनेक प्रवासी रेल्वे स्थानकांवर चालत जातात.
तसेच त्यांची वाहने आमच्या नियुक्त केलेल्या पार्किंगच्या ठिकाणी पार्क करून त्यांच्या कार्यालयात जातात. त्यामुळे ईव्ही कार असलेल्यांना आमच्या परिसरात असलेल्या चार्जिंग पॉईंट्सचा खूप फायदा होणार आहे. जे आमच्या गाड्या वापरत नाहीत, परंतु जे दररोज या स्थानकांमधून जातात त्यांनाही ही सुविधा मिळेल.”
पुढे ते असेही ते म्हणाले की, “यापैकी काही स्थानके लांब पल्ल्याच्या गाड्या आहेत जिथे बरेच लोक दूरच्या ठिकाणाहून एक तास किंवा त्याहून अधिक अंतरावर असलेल्या गाड्यांमध्ये चढण्यासाठी येतात. या सर्व बाबी लक्षात घेऊन आम्ही ज्या स्थानकांवर लोकल आणि लांब पल्ल्याच्या गाड्या धावतात त्या स्थानकांवर ही सेवा सुरू केली आहे.”
