PNB FD Rate : अलीकडेच, पंजाब नॅशनल बँकेने (PNB), देशातील सर्वात मोठ्या सार्वजनिक क्षेत्रातील बँकांपैकी एक, मुदत ठेवींवरील (FD) व्याजदरात दोनदा वाढ करण्याची घोषणा केली होती. वाढलेले दर बँकेने 26 ऑक्टोबरपासून लागू केले आहेत. व्याजदरात ही वाढ 2 कोटी रुपयांपेक्षा कमी मुदत ठेवींवर (FD) करण्यात आली आहे.
विशेष योजना 19 ऑक्टोबरपासून लागू
पंजाब नॅशनल बँक (PNB) 600 दिवसांच्या स्पेशल फिक्स्ड डिपॉझिट स्कीमवर (स्पेशल एफडी स्कीम) वार्षिक 7.85 टक्के व्याज देईल असे बँकेकडून पुन्हा एकदा सांगण्यात आले.
ही विशेष व्याजदर योजना 19 ऑक्टोबर 2022 पासून लागू करण्यात आली आहे. बँकेच्या निवेदनात म्हटले आहे की ‘बँक दरवर्षी 7.85 टक्क्यांपर्यंत जास्त व्याजदर देत आहे.’
या लोकांना फायदा होईल
बँकेकडून सविस्तर माहिती देताना सांगण्यात आले की ही योजना ज्येष्ठ नागरिक (60-80 वर्षे) आणि अति ज्येष्ठ नागरिकांसाठी (80 वर्षे व त्यावरील) आहे. या अंतर्गत 2 कोटी रुपयांपेक्षा कमी रक्कम जमा केली जाऊ शकते.
बँकेने दिलेला उच्च व्याजदर सर्व सार्वजनिक आणि खाजगी बँकांपेक्षा जास्त आहे. आगामी काळात इतर बँकांकडूनही अशी घोषणा केली जाऊ शकते. यापूर्वी या योजनेत 6.50 ते 7.30 टक्के व्याज दिले जात होते.
रेपो दरात 1.90 टक्के वाढ
भारतीय रिझर्व्ह बँक (RBI) कडून वाढत्या महागाईवर नियंत्रण ठेवण्यासाठी मे महिन्यापासून रेपो दरात चार वेळा 1.90 टक्क्यांनी वाढ करण्यात आली आहे. यानंतर सर्व खासगी आणि सरकारी बँकांनी एफडीवरील व्याजदरात वाढ करून ग्राहकांना याचा लाभ दिला आहे.
याशिवाय बचत खात्यावरील व्याजदरातही वाढ करण्यात आली आहे. याचा परिणाम गृहकर्ज, कार कर्ज आणि वैयक्तिक कर्जाच्या व्याजदरावरही झाला आहे.
