PMJJBY : सरकार सतत जनतेच्या हितासाठी अनेक योजना सुरु करत असते. यापकी एक म्हणजे पंतप्रधान सुरक्षा विमा योजना होय. कोरोनामुळे अनेकजण आरोग्याविषयी जागरूक झाले आहेत. त्यामुळे हेल्थ इन्शुरन्स, मेडिक्लेम तसेच आरोग्यविषयक इतर सेवांची मागणी वाढतच चालली आहे.
PMJJBY योजना 18 ते 50 वयोगटातील लोकांसाठी उपलब्ध असून बँक खात्यासाठी आधार हे प्राथमिक केवायसी असेल. 1 जून ते 31 मे या कालावधीसाठी 2 लाख रुपयांचे लाइफ कव्हर एक वर्षासाठी असणार आहे. जर कोणत्याही कारणामुळे विमाधारकाचा मृत्यू झाला तर या योजनेअंतर्गत जोखीम संरक्षण 2 लाख रुपये आहे.
436 रुपयांचा प्रीमियम
प्रीमियम 436 रुपये प्रतिवर्ष आहे जो दिलेल्या पर्यायानुसार प्लॅन अंतर्गत प्रत्येक वार्षिक कव्हरेज कालावधीच्या 31 मे रोजी किंवा त्या अगोदर ग्राहकांच्या बँक खात्यातून एका हप्त्यात स्वयं-डेबिट केला जाणार आहे.
सर्वात महत्त्वाचे म्हणजे ही योजना जीवन विमा कॉर्पोरेशन आणि इतर सर्व जीवन विमा कंपन्यांद्वारे ऑफर केली जात आहे जे आवश्यक मंजूरी आणि उद्देशासाठी बँकांशी करार करून समान अटींवर उत्पादन ऑफर करण्यासाठी इच्छुक आहेत.
अशी थांबवा प्रक्रिया
जर तुम्हाला ही योजना बंद करायची असेल तर तुम्ही तुमच्या बँक खात्यातून वार्षिक ऑटो-डेबिट प्रक्रिया बंद करणे निवडू शकता.यासाठी तुम्हाला तुमच्या बँक शाखेत जावे लागेल. त्यानंतर तुम्ही ही प्रक्रिया पूर्ण करू शकता. तसेच जर तुम्ही वेळेवर योजनेचे पैसे भरले नाही तर ती आपोआप रद्द होईल.
