Maruti Suzuki : मारुती सुझुकी ही देशातील सर्वात मोठी कार कंपनी आहे. कंपनी सतत ग्राहकांना आकर्षित करण्यासाठी आणि इतर कंपन्यांना टक्कर देण्यासाठी नवनवीन तसेच एकापेक्षा एक जबरदस्त फीचर्स असणाऱ्या कार्स लाँच करत असते.
जर तुम्हीही मारुती सुझुकीचे ग्राहक असाल तर तुमच्यासाठी एक खुशखबर आहे. कारण कंपनीने आपल्या एकूण 3 कार्स अपडेट करण्याचा निर्णय घेतला आहे. त्यामुळे अपडेटनंतर या कार्समध्ये काही नवीन फीचर्स जोडली आहेत. या कार्स कोणती आहेत ते जाणून घेऊया.
कंपनीने केल्या या कार्स अपडेट
कंपनीने आपली प्रीमियम हॅचबॅक बलेनो अपडेट केली आहे. तसेच Baleno व्यतिरिक्त, XL6 आणि Ertiga देखील MPV सेगमेंटमध्ये अपडेट केले गेले आहेत. या अपडेटमुळे कंपनीने या तिन्ही कार्समध्ये नवीन कनेक्टिव्हिटी फीचर्स जोडली आहेत.
मिळतील ही फीचर्स
ही फीचर्स ओव्हर द एअर म्हणजेच OTA द्वारे अपडेट केली जाण्याची शक्यता आहे. या अपडेट्समध्ये वायरलेस कार प्ले आणि अँड्रॉइड ऑटो कनेक्टिव्हिटी यासारख्या फीचर्सचा समावेश असणार आहे. बलेनोच्या ग्राहकांना हेड्स अप डिस्प्लेवर टर्न-बाय-टर्न नेव्हिगेशन ऑफर केले जाईल. तर या तिन्ही वाहनांच्या एमआयडी स्क्रीनवर याचा वापर केला जाईल. टर्न-बाय-टर्न नेव्हिगेशन शिवाय, कंपनी Ertiga आणि XL6 वर प्रीमियम ध्वनिक ट्यूनिंग सराउंड सेन्स ऑफर करत आहे.
कोणाला होणार फायदा
त्याशिवाय कंपनीने असेही स्पष्ट केले आहे की नवीन ग्राहकांसोबत, ज्या ग्राहकांनी या तीनपैकी कोणतीही वाहने अगोदरच विकत घेतली आहेत त्यांना या अपडेट्सचा लाभ देण्यात येईल. ज्या ग्राहकांनी यापैकी कोणतेही मॉडेल अगोदरच विकत घेतले आहे ते त्यांच्या स्मार्टफोनद्वारे किंवा कंपनीच्या अधिकृत वेबसाइटद्वारे अपडेट स्थापित करण्यास सक्षम असणार आहेत.
अगोदर मिळाले अपडेट
असे अपडेट्स कंपनीने काही काळापूर्वी कॉम्पॅक्ट SUV Brezza साठी जारी केले आहेत. कंपनीने ब्रेझा शिवाय, हे फीचर्स मध्यम आकाराच्या SUV Grand Vitara मध्ये उपलब्ध करून दिले आहेत.
