Hyundai Sonata : भारतीय बाजारपेठेत ह्युंदाईच्या कार्सना मोठ्या प्रमाणात मागणी आहे. कंपनीच्या अनेक कार ग्राहकांच्या पसंतीस उतरत आहेत. त्यामुळे कंपनी ऑटो बाजारातील इतर कंपन्यांना जोरदार टक्कर देत असते. कंपनीने कमी कालावधीत ग्राहकांच्या मनात स्थान निर्माण केले आहे.
अशातच कंपनी ग्राहकांना आकर्षित करण्यासाठी अनेक फीचर्स असणाऱ्या कार लाँच करत असते. कंपनीची सोनाटा सेडान ही कार बाजारात खूप लोकप्रिय आहे. आता ही कंपनी ही कार नवीन अवतारात घेऊन येत आहे. सर्व कारसप्रमाणे यात कंपनी दमदार लुक आणि फीचर्स देत आहे.
नवीन कारच्या बाह्य भागाबद्दल बोलायचे झाले तर, नवीन वापरकर्त्यांना आता Hyundai Sonata ला एक लांब एलईडी DRL लाइट बार आणि स्प्लिट LED हेडलॅम्प सेटअप दिला जात आहे. तसेच तिचा लूक आणखी वाढावा यासाठी फ्रंट ग्रिलवर अँगुलर एक्स्टेंशन दिले जात आहे. प्रोफाइल कूप बॉडी स्टाइल राखून ठेवत असून फेंडर्सपासून टेल-लॅम्पपर्यंत मजबूत शोल्डर लाइन मिळवते.
सर्वात महत्त्वाचे म्हणजे नवीन ह्युंदाई सोनाटाच्या केबिनमध्ये अनेक प्रगत फीचर्स दिले जात आहेत. तसेच यात 12.3-इंचाचा ड्रायव्हर इन्स्ट्रुमेंट क्लस्टर आणि पॅनोरॅमिक डिस्प्लेसह 12.3-इंचाची इन्फोटेनमेंट सिस्टम यांचा समावेश असणार आहे.
या कारचे इन्स्ट्रुमेंट पॅनलवरील टच-टाइप क्लायमेट कंट्रोल युनिट कारच्या हाय-टेक फीलमध्ये भर घालत आहे. इतकेच नाही तर या कारच्या मध्यवर्ती कन्सोलला एक आर्मरेस्ट, मोठे कप होल्डर आणि एक ट्रे मिळत असून ते अतिरिक्त स्टोरेज स्पेस प्रदान करत आहे. तसेच स्टीयरिंग व्हील नवीन दिले जात आहे.
इंजिन आणि पॉवर जाणून घ्या
खरं तर अजूनही सोनाटा फेसलिफ्टच्या पॉवरट्रेनचा तपशील समोर आला नाही. मात्र कंपनीचे जुने मॉडेल प्लग-इन हायब्रिडसह अनेक पेट्रोल पॉवरट्रेनसह उपलब्ध होते. कंपनीच्या जुन्या सोनाटाला 2.5-लीटर टर्बोचार्ज केलेले इंजिन मिळत होते जे 290hp आणि 422Nm निर्माण करत आहे. तसेच त्यात 8-स्पीड डीसीटी गिअरबॉक्स जोडला आहे. सोनाटा फेसलिफ्ट समान पॉवरट्रेन पर्याय टिकवून ठेवू शकते.
