WhatsApp Tips and Tricks 2023 : व्हॉट्सअ‍ॅप आपल्या वापरकर्त्यांसाठी सतत नवनवीन फीचर्स आणत असते, त्यामुळे त्याचा फायदाही वापरकर्त्यांना होतो. सध्या व्हॉट्सअ‍ॅपवर फसवणुकीचे प्रमाण खूप वाढले आहे.
या पार्शवभूमीवर व्हॉट्सअ‍ॅपने काही फीचर्स असे आणले आहेत त्यामुळे वापरकर्त्यांची फसवणूक होत नाही. अनेकांना याबद्दल माहिती नाही त्यामुळे त्याची फसवणूक होत आहे.
काही टिप्स आणि ट्रिक्समुळे तुम्ही तुमचे व्हॉट्सअ‍ॅप सुरक्षित ठेवू शकता. त्यामुळे, तुम्ही फिशिंग, घोटाळे आणि इतर प्रकारच्या फसवणूक लिंकपासून स्वतःचे संरक्षण करू शकता. पाहुयात सविस्तर..
1. WhatsApp टू-स्टेप व्हेरिफिकेशन :
तुम्ही आता WhatsApp वर टू-स्टेप व्हेरिफिकेशनद्वारे तुमच्या अकाउंटला सुरक्षित ठेवू शकता. परंतु, ते सक्षम करण्यासाठी तुम्हाला 6 अंकी पिन द्यावा लागणार आहे. चुकून तुमचे सिम कार्ड चोरीला गेले किंवा फोनची देवाणघेवाण झाल्यावर याची गरज पडते.
2. व्हॉट्सअ‍ॅप डिसपिअरिंग मेसेज :
सध्या व्हॉट्सअ‍ॅपने डिसपिअरिंग मेसेजची सुविधाही उपलब्ध करून आहे. जर तुम्ही ते चालू केले तर, चॅट 24 तासांत स्वतःहून गायब होते.
3. व्हॉट्सअ‍ॅप प्रोफाइल प्रायव्हसी :
तसेच आपल्या यूजर्ससाठी प्रोफाईल फोटो, लास्ट सीन, ऑनलाइन स्टेटस अशी अनेक फीचर व्हॉट्सअ‍ॅपने उपलब्ध करून दिली आहे. त्यामुळे आता ही सर्व माहिती कोण पाहू शकते हे युजर्स ठरवता येत आहे.
4. व्हॉट्सअ‍ॅप ऑनलाइन गोपनीयता :
तसेच वापरकर्ते ऑनलाइन असतानाही ऑनलाइन दिसू शकणार नाही. तो पर्याय तुम्हाला मिळेल.
5.व्हॉट्सअ‍ॅप डिसपिअरिंग इमेज आणि व्हिडिओ :
तसेच वापरकर्त्यांसाठी फोटो आणि व्हिडिओसाठी डिसपिअरिंग फीचर उपलब्ध करून दिले आहे. वन टाइम सी या नावानेही ते ओळखले जाते.
