IMD Rain Alert : राज्यात गेल्या काही दिवसांपासून मुसळधार पावसाचे (Heavy Rain) चक्र सुरूच आहे. आता मान्सूनचा पाऊस परतीच्या दिशेने निघाला असला तरी काही भागांना अक्षरशः झोडपून काढले आहे. त्यातच आता आणखी मुसळधार कोसळणार असल्याचा अंदाज भारतीय हवामान खात्याने वर्तवला आहे.
विदर्भ, मराठवाडा आणि उत्तर महाराष्ट्राला (Maharashtra) हवामान विभागाकडून यलो अलर्ट (Yellow Alert) देण्यात आला आहे. तसेच शेतकऱ्यांनी खरीप पिकांची काढणी केली असेल तर ते सुरक्षित ठिकाणी त्याची साठवणूक करण्याचा सल्ला कृषी विभागाकडून देण्यात आला आहे.
देशाच्या अनेक भागात अजूनही मान्सून (Monsoon) मुसळधार पाऊस पडत असला तरी तो शेवटच्या टप्प्यात आहे. हवामान विभागाने (IMD) आजही अनेक राज्यांमध्ये पावसाचा इशारा दिला आहे. पश्चिम बंगाल, ओडिशा, झारखंडसह अनेक राज्यांमध्ये आजही मुसळधार पावसाचा अंदाज एमआयडीने वर्तवला आहे.
हवामान तज्ज्ञांच्या मते, मान्सूनची क्रिया आता संपत आहे. पूर्वेकडून येणाऱ्या ओलसर हवेची दिशा पश्चिमेकडे बदलेल. अशा स्थितीत मान्सून निरोपाच्या मार्गावर आहे. येत्या एक ते दोन दिवसांत हवामान खाते मान्सूनच्या प्रस्थानाची अधिकृत घोषणा करू शकते. मात्र, सप्टेंबरमध्ये मान्सूनने अनेक भाग भिजवले आहेत.
खरे तर, उत्तर भारतातील मैदानी भागात मान्सूनचे वारे कमकुवत होऊ लागले आहेत आणि आता पश्चिमेकडील कोरडे वारे वाहू लागले आहेत. दुसरीकडे, बिहार, पश्चिम बंगाल, झारखंड, ओडिशा, छत्तीसगड, महाराष्ट्र, तेलंगणा, आंध्र प्रदेश, तामिळनाडू आणि केरळ ही राज्ये पावसासाठी अनुकूल आहेत. यासोबतच ईशान्य भारतातील काही भागांमध्येही पाऊस सुरू राहण्याची शक्यता आहे.
हवामान खात्याने दिलेल्या माहितीनुसार, येत्या दोन दिवसांत उत्तर प्रदेशात मुसळधार पावसाचा अंदाज आहे. त्याचबरोबर येत्या ४८ तासांत बिहारमधील अनेक जिल्ह्यांमध्ये मुसळधार पावसाची शक्यता आहे.
स्कायमेट वेदर (Skymet Weather) या खाजगी हवामानाचा अंदाज वर्तवणाऱ्या एजन्सीनुसार, उप-हिमालयीन पश्चिम बंगाल, सिक्कीम, ईशान्य भारत, बिहारचा काही भाग, झारखंड, ओडिशा, छत्तीसगड, तेलंगणा, विदर्भ, तामिळनाडू रायलसीमा आणि दक्षिण अंतर्गत कर्नाटकात हलका ते मध्यम पाऊस पडू शकतो.
