Toll Tax Increase : भारतात वाहतुकीच्या नियमात मोठा बदल केला आहे. आता वाहतुकीचे नियम तोडणाऱ्यांवर खूप मोठी कारवाई केली जात आहे. अशातच महामार्ग आणि एक्स्प्रेस वेवर प्रवास करणाऱ्यांची संख्या खूप जास्त आहे. अशातच या मार्गांवरून प्रवास करणाऱ्या प्रवाशांच्या खिशावर आर्थिक ताण येणार आहे.
कारण येत्या 1 एप्रिलपासून महामार्ग आणि एक्स्प्रेस वेवर पूर्वीपेक्षा जास्त टोल टॅक्स भरावा लागू शकतो. कारण भारतीय राष्ट्रीय महामार्ग प्राधिकरण 1 एप्रिलपासून टोलचे नवीन दर वाढवण्याच्या तयारीत आहे. या नवीन दरात एकूण 5% ते 10% वाढ होऊ शकते.
आता इतका भरावा लागणार राष्ट्रीय महामार्गावर टोल
राष्ट्रीय महामार्ग शुल्क (दर निर्धारण आणि संकलन) नियम, 2008 नुसार, शुल्क 1 एप्रिलपासून सुधारित करण्यात येणार आहे. विशिष्ट टोल प्रश्नांवर सतत आवश्यकतेनुसार धोरणात्मक निर्णय घेण्यात येत आहेत.
खर्च वाढणार
रस्ते वाहतूक मंत्रालय या महिन्याच्या शेवटच्या आठवड्यात प्रस्तावांवर योग्य विचार करून दर मंजूर करणार आहे. अहवालात पुढे म्हटले आहे की कार आणि हलक्या वाहनांसाठी टोल दर पाच टक्क्यांपर्यंत वाढेल तर इतर अवजड वाहनांसाठी तो 10 टक्क्यांपर्यंत जाऊ शकते.
नुकत्याच सुरू झालेल्या दिल्ली-मुंबई एक्स्प्रेस वेवरही टोलचे दर वाढवण्यात येतील असे सांगण्यात येत आहे. सध्या नव्याने सुरू झालेल्या दिल्ली-मुंबई एक्स्प्रेस वेच्या सेक्शनवर प्रत्येक किलोमीटरसाठी 2.19 रुपये आकारण्यात येत आहेत, ज्यात सुमारे 10 टक्क्यांनी वाढ केली जाणार आहे.
दिल्ली-मेरठ एक्स्प्रेस वेवरही टोल वाढणार
द्रुतगती मार्गावर वाहनांची संख्या झपाट्याने वाढत असून सध्या एक्स्प्रेस वेवर दररोज सुमारे 20 हजार वाहने ये-जा करत आहे. येत्या सहा महिन्यांत ही संख्या 50 ते 60 हजारांपर्यंत वाढू शकते. तर दुसरीकडे, ईस्टर्न पेरिफेरल एक्स्प्रेस वे आणि दिल्ली-मेरठ एक्स्प्रेस वेच्या टोल दरातही वाढ होऊ शकते.
मासिक पासची सुविधा, जी टोल प्लाझाच्या 20 किमीच्या आत राहणाऱ्या लोकांना देण्यात येत आहे. जी शक्यतो स्वस्त असते, परंतु, आता त्यातही 10% वाढ अपेक्षित आहे.
