अहमदनगर Live24 टीम, 20 नोव्हेंबर 2021 :- भारत आणि न्यूझीलंड यांच्यात खेळवण्यात आलेला दुसरा टी-20 सामना भारताने 7 विकेट आणि 14 चेंडू राखून जिंकला आहे. प्रथम फलंदाजी करताना न्यूझीलंडने 153 धावा केल्या होता.
सलामीवीर रोहित शर्मा (55) आणि के. एल. राहुल (65) यांच्या अर्धशतकांच्या जोरावर भारताने दुसऱ्या टी-20 सामन्यात न्यूझीलंडचा पराभव केला आहे. या सामन्यात रोहित शर्माने अर्धशतक झळकावले.
आंतरराष्ट्रीय टी-20 मध्ये त्याने 29व्यांदा 50 पेक्षा जास्त धावा केल्या. हा एक विक्रम आहे. विराट कोहलीनेही सर्वाधिक 29 वेळा हा पराक्रम केला आहे.
रोहितने 4 शतके आणि 25 अर्धशतके केली आहेत. कोहलीला आतापर्यंत एकही शतक झळकावता आलेले नाही. आंतरराष्ट्रीय टी-20 मध्ये सर्वाधिक शतकांचा विश्वविक्रम रोहितच्या नावावर आहे.
दरम्यान, या मालिकेतील पहिला सामना जयपूरमध्ये खेळवला गेला होता, जो टीम इंडियाने पाच विकेट्सने जिंकला होता. शुक्रवारी झालेला
सामना जिंकून भारताने 3 सामन्यांच्या मालिकेवर कब्जा केला आहे. त्यामुळे पुढच्या टी-20 सामन्यात विजय मिळवत न्यूझीलंडला व्हाईटवॉश देण्याचा भारताचा प्रयत्न असणार आहे.
- अहमदनगर जिल्ह्यातील ब्रेकिंग बातम्यांसाठी आम्हाला फॉलो करा
- फेसबुक । ट्विटर । टेलिग्राम । युट्युब। गुगल न्यूज । इंस्टग्राम
