IT Jobs : जर तुम्ही आयटी क्षेत्राशी निगडीत असाल तर तुम्हाला लवकरच रोजगाराच्या मोठमोठ्या संधी उपलब्ध होणार आहेत. कारण इन्फोसिसचे सह-संस्थापक क्रिस गोपालकृष्णन यांनी बुधवारी सांगितले की, आयटी क्षेत्र आगामी काळात दोन लाख लोकांची भरती करेल.
ते म्हणाले की मी असे म्हणू शकतो की नजीकच्या काळात मी आयटी क्षेत्राबद्दल खूप आशावादी आहे. कोविडच्या काळात, व्यवसायात आणि आपल्या जीवनात डिजिटल तंत्रज्ञानाच्या वापरात अभूतपूर्व वाढ झाली आहे.
वाढत्या डिजिटलायझेशनमुळे व्यवसाय करण्याची पद्धत बदलली आहे आणि त्यामुळे अनेक नवीन नोकऱ्याही निर्माण झाल्या आहेत. डिजिटायझेशनमुळे कंपन्यांनी आपल्या व्यवसायाची जाहिरात करण्याची पद्धत बदलली आहे.
बेंगळुरू टेक समिटमध्ये बोलताना ते म्हणाले की, महामारीच्या काळात डिजिटलायझेशनला वेग आला आहे. यामुळे भारतीय आयटी सेवांवरील जागतिक व्यवसाय आणि बहुराष्ट्रीय कंपन्यांचा आत्मविश्वास वाढला आहे.
2 लाख लोकांना रोजगार मिळेल
आयटी उद्योगाला अनेक आव्हानांचा सामना करावा लागत आहे, आव्हाने आहेत पण उद्योग त्यांना तोंड देईल आणि प्रगती करत राहील. मला वाटते की उद्योग नजीकच्या काळात किमान 2 लाख लोकांची भरती करत आहे. असे त्यांनी सांगितले.
दरम्यान, इन्फोसिसचे सह-संस्थापक म्हणाले की, उद्योगाला डेटा सुरक्षा आणि गोपनीयतेच्या समस्यांचे निराकरण करण्याची आवश्यकता आहे. “आयटी उद्योगासाठी हा अतिशय रोमांचक काळ आहे. मला विश्वास आहे की पुढील 25 वर्षे मागील 25 वर्षांपेक्षा चांगली असतील.
